BBKayak- Españako ibaietako eta zeharkaldietako jardunaldi bizia

Written on 06 Ekaina 2019.

Jardunaldi luzea izan zen aurtengo BBKayak- Españako ibai eta zeharkaldietako Txapelketa, goizean goiz hasi eta arratsaldeko azken ordurarte aritu zirelarik kirolariak lehiatzen. Ia 90 klub eta 1200 partehartzaileetatik gora aritu ziren lehiatzen, piraguismoa modu ezberdinetan gozatuz. Alderdi herrikoitik hasi eta goi-mailako kirolarietaraino, Españako txapeldun titulua eskuratzeko borrokatu zutelarik azken palada arte. Txikienek ere tokia izan zuten, jardunaldiari hasiera eman ziotelarik.

www.bbkayak.eus webgunean jardunaldiko argazkiak topatuko dituzue.

Hemen txikienen emaitzak.

Bihar 12:10hetan, Teledeporten txapelketaren inguruko erreportai bat botako dutelarik.

Sprint-sakon azeleratzen du

Written on 06 Ekaina 2019.

Iñigo Peña ( Itxas-Gain Zumaiako Urola Itsas-adarreko P.K.) laugarren izan zen ,Duisburg, Alemanian, maiatzaren 31tik, ekainaren 2ra jokatutako Munduko Kopan, K-2 1000mtan, Franciso Cubelos-ekin batera. Oso helmugaratze estua izan zuten partaideek eta dominetatik oso gertu geratu ziren. Hurrengo zita, Europako Jokoak, Minsk, Bielorrusian jokatuko direnak izango da. Ondoren, denboraldiko helburu nagusia, Szeged-en jokatuko den Munduko Txapelketa izango da, abuztuan.

Begoña Lazkano (Donostia Kayak K.E.) K-4 500mtako finaletan gailendu zen, maila altuko finalerdi bate ondoren finalerako ateetan geratu ondoren. 2x K-1 500m proba berrian parte hartu zuen Marcus Cooper-ekin batera, finaletik at geratuz, hirugarren izan ondoren.

Astebete lehenago berriz, Higinio Rivero (Barrika P.T.) nazioarte mailako egutegiari hasiera mean zion Sprint-ean, Europako Paracanoe eta Munduko kopan pate hartuz, Poznan-en.

Higinio finalista izan zen Europako txapelketan, 9. Izanik KL2 200m eta 6. VL2 200mtan.

Munduko kopan, VL2 200mtan finalean 7. Izan zen, dominetatik segundo batetara egonik eta KL2 200mtan, laugarren izan zen B Finalean.

Ander Elosegi eta Joan Crespo Europako txapelketako finalista

Written on 06 Ekaina 2019.

Pau- jokatu zen Slalom-eko Europako Txapelketa, maiatzaren 30 ostegunetik, ekainaren 2 iganderarte.

Ander Elosegi (S.D.Santiagotarrak) zazpigarren izan zen finalean, dominen borrokatik at egonez. Joan Crespo (S.D.Santiagotarrak) berriz, hamabigarren izan zen, atzetik aurrera egin zuen txapelketa batean.

Maialan Chourrautek (ATSS) hasiera bikaina burutu zuen, oso eroso ikusi zitzaiolarik, piragua guztiz menpean zuelarik, sailkatze probetan bigarren izanik, lehenengo hirurak oso hurbil zeudelarik bata bestearengandik. Bain finalerdietan, nahiz eta ukiturik gabeko jatsiera burutu, dezima bakar batek, finaletik at utzi zuen eta ondorioz dominen borrokatik at.

Klara Olazabal (S.D.Santiagotarrak) emakumezko C-1ean, hamabigarren izan zen finalerdietan, bi segundogatik, finaletik kanpo geratuz.

Samuel Hernanz (ATSS) bestalde, 21. Izan zen finalerdietan, segundo bat pasatxok finaletik kanpo utzi zuelarik, bi ukitu izan zituen, garrantzi bizikoak suertatu zirenak, finalean sartzeko.

Taldekako lehiaketan, gizonezko K-1ean, bostgarren izan zen, emakumezko kanoistak zazpigarren eta emakumezko kayakistak bederatzigarren.

Hurrengo zita, datorren igandean, ekainak 9 igandea, toki berean, Pau-ko kanalean izango da.

ITSASOAN BURUTZEN DIREN EKINTZEN SEGURTASUNAREN INGURUKO HIZKETALDI/ SOLASALDIA

Written on 03 Ekaina 2019.

• Amuitz Outrigger&Surfski taldea, itsasoan burutzen diren ekintzetako kirolarien segurtasunagatik kezkatzen da eta horregatik, surfskia, canoa edo itsasoan burutzen den beste edozein jardueretarako, kirolariek eraman beharreko segurtasun neurri, larrialdi zerbitzu eta dispositibo elektronikoen inguruan solasaldia antolatu du.
• Hizketaldia, Euskadiko Larrialdi zerbitzuetako profesional batek emango du, gai hauen inguruan arituz, aurkezpen bat burutu eta hizketaldi bat egonez, bertaraturikoen galderei erantzunez.
• Jardunaldia, Hondarribiako klub nautikoan izango da, ekainaren 8, 11:00htan.

Hizketaldiaren gaiak

• Itsaso zabalean burutzen den piraguismoko modalitate bat praktikatzen dugunaren jabe gara eta horrek zenbait arrisku dakartza eta soinean eramaten ditugu zenbait segurtasun neurri, hala nola, telefono mugikorrak bere aplikazioekin (Safe 365 etab.) talkyak eta radiobalizak Plb1 Ocean Signal modeloak esaterako, bengalak, txilibitu, etab. baina hala ere, bada larrialdi zerbitzuen barne funtzionamenduari dagokion alor bat, guretzako guztiz ezezaguna dena. Hori ezagutzea garrantzitsua dela uste dugu, larrialdi dei bat eman ondoren, erantzunaren denbora, zein baliabide mugiarazten dituzten, non dauden kokatuak eta beste edozein xehetasun, larrialdietan dagoen kirolari batentzat, oso baliagarria izan daitekeena, larrialdi egoera puntual batean, erabaki bat hartzera lagun diezaiokeelarik, momentu, kokapen, eguraldi, uraren tenperatura, eguneko orduaren etab. en arabera.
• Bestalde, segurtasunaren begira, mugikorretarako aplikazio onenak zeintzuk diren jakin nahiko genuke, talky-en eta kanalen erabilera egokia, radio baliza eta beraien eraginkortasuna eta eman litekeen beste edozein aholku edo iradokizun.

Izenematea, ekainaren 5, asteazkean, 20:00hak baino lehen burutu beharko da, mezu bat bidaliaz 649337098 (Mikel Amenabar) telefonora.

BBKayak, Españako ibai eta zeharkaldien txapelketa aurkeztua

Written on 27 Maiatza 2019.

Pasa den ostiralean, Bilboko BBK aretoan, BBKayak-en 3. Edizioa eta Españako ibai eta zeharkaldien 7. Txapelketa aurkeztu zen.

Bertaraturikoen artean, Gorka Martinez BBK Fundazioko Zuzendari Nagusia, Alfredo Sanchez El Correo-ko zuzendari komertziala, Pedro Barreiro Ur partzuergoko Gerentea, Sabino Astorkiza Toyota Japan Car-eko zuzendari komertziala, Joseba Saies Euskadiko Federakuntzako Presidentea eta Adolfo Lopez Bizkaiako Federakuntzako Presidentea,  hala nola, Amaia Osaba nazioarteko kirolaria eta C.P.Pamplonako Presidentea.

Denek, hiriko kokapen batean jokatuko den partehartze altua azpimarratu zuten, zalantzarik gabe, hiritarrentzat oso erakargarria izango delarik jardunaldia eta partehartzaileentzako ere esperientzia bikaina, hirigunean kokaturik.

Aurreikuspenak gainditu egingo dira nabarmenki, 1200 kirolari izateraino, bai federatuak zein lasterketa herrikoia kontutan izanik, Piraguen festa bilakatuz jardunaldia.

Bilboko Itsas Museoan, maiatzaren 28tik, ekainaren 3ra bitartean ikusgai egongo den “Piragüismo con nombre de mujer” erakusketa aipatu zuten, emakume piraguisten lorpenak ikusarazi eta aldi berean, emakumearen kirolari ikusgarritasuna emanez.

Baita ere aipatu zuten, edizio honetan, David Cal izango dela probaren babeslea.

Getxo Euskadiko Maratoi txapelketaren eszenatoki berria

Written on 13 Maiatza 2019.

Larunbatean Getxo jokatu zen lehenengo aldiz Euskadiko Maratoi Txapelketa. 2,5km-ko bueltak burutuz abran,  arranpan atera eta pantalanean igoz porteo gunean, partehartzaileek toki berri bat izan zuten lehiatzeko, antolakuntzak beharrezko baliabide guztiak egon zitezen lan egin zuelarik.

Taldekako sailkapen nagusian, S.D.Santiagotarrak izan zen garailea, bigarren Pasaia Kayak 2005 K.K. eta hirugarren Itxas-Gain Zumaiako Urola itsas-adarreko P.K.

Maila ezberdinetako sailkapenei dagokienez, gizonezko seniorretan, garailea, Ion Carballo (Pasaia Kayak 2005 K.K.) izan zen eta emakumezkoetan Amaia Benavente (Donostia Kayak K.E.). Binakako ontzietan berriz,  Iñigo Lois eta Gorka Colomo (Pasaia Kayak 2005 K.K.) gizonezko mailan eta Ane Lopez eta Ihintza Labeaga (Barrika P.T.) emakumezkoetan gailendu ziren. 23 urtez azpiko mailan, Jon Moreno (S.D.Santiagotarrak) izan zen azkarrena gizonezkotan eta Irene Gana (Barrika P.T. ) emakumezkoetan.

Junior mailan, Alex Anatol (S.D.Santiagotarrak) izan zen lehen sailkatua gizonezko K-1ean eta Aiora Irazu (Pasaia Kayak 2005 K.K.) emakumezkoetan. Binakako ontzietan, Aimar Amundarain eta Beñat Arsuaga (S.D.Santiagotarrak) izan ziren azkarrenak.

Kadete mailan, Uxue Arsuaga (S.D.Santiagotarrak) izan zen lehena emakumezkoetan eta bere taldekidea den  Asier Romerok eskuratu zuen urrea gizonezkoetan. Binakakoetan Unai Amostegi eta Mikel Larrarte (S.D.Santiagotarrak) izan ziren garaileak eta emakumezkoetan, probako garaipena Ane Arreche eta Marina Martinez (C.N.Pamplona ) izan ziren eta Euskadiko Txapeldun, Josefa Molina eta Izaro Etxabe (Itxas-Gain Zumaiako Urola Itsas- adarreko P.K.).

Beteranoetan, Javier Lizancos (C.D.Fortuna) izan zen garailea eta emakumezkoetan Izaskun Gonzalez (Itxas-Gain Zumaiako Urola Itsas- adarreko P.K.) binakakoetan, bertakoak diren Carlos Urkizo eta Javier Perez (Getxo) izan ziren garaileak.

Canoan, Ibai Muñoz (S.D.Santiagotarrak) izan zen garailea kadete mailan.

Hurrengo zita, BBKayak izango da, Euskadiko Ibaietako Kopaka, aldi berean, Españako Ibaietako txapelketa izango delarik, ekainaren 1ean, eta igandean berriz, Aitor Saenz de Ojer-en oroimenezko proba, Barrikan.

Mundakako Kayak Surf proba baieztatua

Written on 13 Maiatza 2019.

Antolakuntzak Euskadiko Kayak Surf kopako 4 proba jokatuko dela baieztatu du.

Datorren maiatzaren 18 eta 19an izango da.

Itsas-kayakeko denboraldiaren hasiera

Written on 08 Maiatza 2019.

Asteburu bizia itsas-kayakak bizitakoa, denboraldiari hasiera emanez.

Maiatzaren 1ean, Españako itsas-kayakeko 2.proba jokatu ze, non Ramon Vega (Pasaia kayak 2005 K.K.) bigarren izan zen 50-54 urteko mailan.

Larunbata, maiatzak 4, Eurochallenge, Surfski proba jokatu zen, 160 partehartzaile inguru bilduz eta haien artean, Amuitz, Barrika P.T., Fortuna, Lekeitio, Pasaia Kayak eta Plentziako kirolariak zeudelarik besteak beste.

Estropada 21 km-tako distantzia batean jokatu zen eta Villajoyosa eta Altea udalerriak elkartu zituen. Lehiaketa jokatzeko hiru egunetako leihoa ego narren,  larunbatean jokatu zen, kontrako haize baldintzekin, estropada bereziki gogortu zuelarik partehartzaile guztientzat, behin Benidorm-eko irla iraganda, haizea aprobetxatzeko aukera egon zen.

Euskal ordezkariek emaniko maila nabarmendu behar da, Javi Lizancos (Beterano E) mailan lehenengo sailkatu zelarik, Jose Mari Villagarcia eta Mikel Lauzirika (Beterano C-D ), bigarren eta hirugarren izan zirelarik hurrenez hurren.

Probako garaipena Sean Rice hegoafrikarrak eskuratu zuen eta emakumezkoetan Amaia Osaba nekaezinak, honela, abuztuan jokatuko diren Mediterranean Beach Games-etarako sailkatu zelarik.

Igandean berriz, Euskadiko Itsas-kayak-eko XV.Kopari eman zitzaion hasiera Nanclares de Gamboan.

Probako garaipen orokorra, Iñigo Lois eta Gorka Colomorentzat (Pasaia Kayak 2005 K.K.) izan zen K-2 senior mailan, bigarren Eñaut Aizpurua eta Maite Etxabe (Itxas-Gain Zumaiako Urola Itsas-adarreko P.K.) sailkatu ziren eta hirugarren, beraien taldekide diren Carmelo Chapartegi eta Javier Solozabal.

Gizonezko K-1 seniorretan, lehenengo postua, Ion Carballok eskuratu zuen, bigarren Lander Rodriguez eta hirugarren Aritz Araneta izan ziren, Pasaia Kayak-eko kirolariek osatu zuelarik podiuma.Beterano+50 mailan, azkarrena Txema Yarza (Pasaia Kayak 2005 K.K.) izan zen, bigarren Aingeru Barrio (C.N.Aldayeta) eta hirugarren Emilio Cachafeiro (Pasaia Kayak 2005 K.K.).

Hurrengo zita, Pasaian izango da, datorren maiatzaren 19an.

Chourraut, Elosegi, Olazabal, Crespo eta Hernanz nazioarteko probetarako sailkatuak

Written on 08 Maiatza 2019.

Maialen Chourraut (ATSS) lehenengo bi Munduko Kopetan, maiatza eta ekaina bitartean, Londres eta Bratislavan arituko diren kirolarien zerrendaren buru da. Honez gain, Paun, maiatza amaiera eta ekaina hasieran ospatuko den Europako Txapelketan ere arituko da. Hautatze probetako lehenengo hiru egunetan gailendu ondoren, ez zuen laugarren egunaren beharriz izan bere presentzia ziurtatzeko nazioarteko probetan. Gainontzeko modalitateetan, lehia bizia azken momentu arte bizi izan zen eta ez zen azken egunerarte talderik itxi.

Ander Elosegi (S.D.Santiagotarrak9 C-1 seniorretan arituko da, Klara Olazabal (S.D.Santiagotarrak) emakumezko C-1ean, Joan Crespo (S.D.Santiagotarrak) eta Samuel Hernanz (ATSS) gizonezko K-1ean arituko dira. Lastima, Miren Lazkanok (ATSS) jasandako lesiogatik probak ezin amaitu izana. Errekuperazio azkar bat opa diogu.

Bestalde, Junior eta 23 urtez azpikoen mailako taldeak ere hautatze proba horietan erabaki ziren, Zuzendaritza batzordearen berrestearen zai, gutxienez hiru kirolari sailkatzea espero da, beraien mailako Europako zein munduko txapelketetan aritzeko.