Iñigo Peñak (Itxas-Gain Zumaiako Urola Itsas-adarreko P.K.) eta Begoña Lazkanok (Donostia Kayak K.E.) RFEP-lako lehenengo hautatze fasea gainditu dute eta maiatza amaieran Duisburg-en jokatuko den Munduko Kopan arituko dira.
Iñigo Peñak K-2 1000mtan garaipena eskuratu zuen, munduko txapeldunorde den ontzian. Begoña Lazkanok K-2 500mtan lehenengo sailkatzea lortu zuen, laugarren izanik K-1 500mtan eta zazpigarren K-1 200mtan. Orain, RFEP-laren K-4 500mtako hautatze frogak gainditu beharko dituelarik, Munduko Kopan arituko den ontzia erabakitzeko.
RFEP-lak ezarritako kalitate irizpidea betetzen badute, 2019ko irizpideetan zehazturikoak, zuzenean, Munduko Txapelketarako txartela eskuratuko dute. Bestela, hautatze proba berri bat burutu beharko lukete Munduko txapelketaren aurretik.
Bestalde, gainontzeko euskal ordezkariek, Aitor Gorrotxategi (S.D.Santiagotarrak), Telmo Fernandez (S.D.Santiagotarrak) eta Eneko Egiguren (S.D.Santiagotarrak),RFEP-laren erabakien berri egon beharko dute nazioarte mailako partehartzea baieztatzeko.
Arcos de la Fronteran jokatu da Españako Neguko Etorkizuneko kirolarien Txapelketa.
Uxue eta Maddalen Arsuaga (S.D.Santiagotarrak) Ahizpak, bigarren eta hirugarren izan ziren hurrenez hurren helmugaratzen emakumezko kadete A K-1 mailan.
Egilea: J.M.Anatol
Beraien taldekidea den Aimar Platero, hirugarren izan zen gizonezko infantil A K-1 mailan.
Egilea: J.M. Anatol
Baita ere azpimarratzekoak dira, Irene Gorrotxategiren (S.D.Santiagotarrak) bostgarren postua eta Eider Amundarainen (S.D.Santiagotarrak) zazpigarren postua emakumezko kadete A K-1 mailan. Zazpigarren izan ziren baita ere, Maddi Tarragona (Pasaia Kayak 2005 K.K.) emakumezko infantil A K-1 mailan eta Malen Juaristi (S.D.Santiagotarrak) emakumezko infantil B K-1 mailan.
Kluben sailkapen nagusian, S.D. Santiagotarrak podium-en ate-joka, laugarren izan zen.
Lekeitioko D-zanga P.T. Euskadiko Kayak Surf Kopako bigarren proba antolatu zuen.
Eguraldia eta olatuak lagun, jardunaldi bikaina ospatu zen.
Emaitzei dagokienez, Ainhoa Tolosak (Lekeitioko D-Zanga P.T.) garaipena eskuratu zuen IC eta HP emakumezko mailan. Odei Etxeberriak (RCNSS) Open mailan IC eta HP-n irabazi zuelarik.
Grand Master HP-n, Txema Carreto (Mundaka) izan zen garailea eta Master HP-n Edu Etxeberria (RCNSS). Junior IC-n Iñaki Urbe (RCNSS) eta Junior HP-n Eñaut Calvo (RCNSS).
Datorren asteburuan Ondarretan aurreikusirik jardunaldia atzeratu egin da. Eta Bakiokoa maiatzaren 25 eta 26ra atzeratuko da.
Lau zilar eta hiru brontze dira euskal ordezkariek lorturiko dominak, pasaden asteburuan, Sevillan jokaturiko Españako Neguko Txapelketan.
Emakumezko juniorretan, Nerea Garciak (S.D.Santiagotarrak) zilarra eskuratu zuen emakumezko junior K-1 mailan. Eta Aiora Irazu (Pasaia Kayak 2005 K.K.) hirugarren izan zen emakumezko 17 urtez azpiko K-1mailan.
Egilea: J.M.Anatol
Irati Osak (Itxas-Gain Zumaiako Urola Itsas-adarreko P.K) brontzeko domina eskuratu zuen emakumezko 23 urtez azpiko mailan, azken momentu arte urreagatik borrokatzen egon ondoren.
Higinio Rivero (Barrika P.T.) bigarren izan zen KL2 mailan.
Xabi Osak (Itxas-Gain Zumaiako Urola Itsas-adarreko P.K.) zilarra eskuratu zuen gizonezko beterano 50-54 urteko mailan.
Telmo Fernandez (S.D.Santiagotarrak) bigarren izan zen 20 urtez azpiko malan.
Javier Martinez (S.D.Santiagotarrak) hirugarren izan zen gizonezko beterano 60-64 C-1 mailan.
Kluben sailkapenean, S.D.Santiagotarrak lehenengo hamarren artean sailkatu zen, 8. Izanik, parte hartu zuten 100 kluben artetik.
Hurrengo zita, Españako Jóvenes Promesas-en Neguko Txapelketa izango da Cadiz-en, hilaren amaieran.
Euskadiko Txapelketa arrakastatsua asteburu honetakoa, azken urteetako partehartzea datuak nabarmenki gainditu direlarik, 190 ontzik baino gehiagok izena emanda. Inoiz izaniko partehartzerik altuena izan da eta denboraldian zehar errepikatzea espero dugu.
Txapelketako emaitzei dagokionean, kluben sailkapenean, garaipena S.D.Santiagotarrak-ek eskuratu zuen, bigarren Itxas-Gain Zumaiako Urola Itsas-Adarreko P.K. eta hirugarren Pasaia Kayak 2005 K.K.
Egilea: J.M.Anatol
Egilea: Diana Machado
Egilea: J.M. Anatol
Banakako emaitzei dagokienez, probako garaipena, Aitor Gorrotxategik (S.D.Santiagotarrak) eskuratu zuen, azkarrena izanik eta 23 urtezko mailan urrea eskuratu zuen. Gizonezko seniorretan, Ion Carballo (Pasaia Kayak 2005 K.K.) izan zen garailea, gizonezko juniorretan Beñat Arsuaga (S.D.Santiagotarrak), bere taldekidea, Ekaitz Aizpioleak gizonezko kadeteetan eskuratu zuen lehenengo postua, gizonezko beterano – 50 Eñaut Aizpurua (Itxas-Gain Zumaiako Urola Itsas Adarreko P.K.) izan zen garaile eta gizonezko beterano +50 Paulo Juez (Getxo Kayaka).
Emakumezkoetan, azkarrena helmugaratzen Irati Osa (Itxas-Gain Zumaiako Urola Itsas Adarreko P.K.) izan zen, 23 urtez azpiko mailan garaipena eskuratu zuelarik. Emakumezko seniorretan, probak garaipena Amaia Osabak (C.P.Pamplona) eskuratu zuen, Euskadiko Txapeldun Amaia Benavente (Donostia Kayak K.E.) izan zelarik. Emakumezko juniorretan, lehenengo postua, Nerea Garciak (S.D.Santiagotarrak) eskuratu zuen, emakumezko kadeteetan bere taldekidea den Uxue Arsuaga izan zelarik garailea. Emakumezko beteranotan, Begoña Beloqui (C.P.Pamplona) izan zen lehena.
Egilea: Diana Machado
Kanoan, beterano mailan, Javier Martinez (S.D.Santiagotarrak) izan zen lehena, C-1 kadeteetan, Lorien Cortina (C.N.Helios) izan zen probako garailea eta Euskadiko Txapeldun Ibai Muñoz (S.D.Santiagotarrak) izendatu zen.
Emakumezko kanoistetan, lehena, junior mailan Maria Esarte izan zen.
Hurrengo zita, Españako Neguko Txapelketa zango da, Sevillan, Senior, 23 urtez azpiko, junior eta beteranoentzako. Zorte On!
Asteburu honetan, Orthez-ek Españako slalom-eko 1.go kopa jokatu da.
Eguraldia lagun, txapelketa bikaina ikusteko aukera izan zen, gure kirolarietako asko podium-era igo zirelarik. Guztira 19 domina, 5 urre, 5 zilar eta 9 brontze eskuratu zituztelarik.
Joan Crespo (S.D.Santiagotarrak)gizonezko senior K-1ean garaile izan zen, Alex Goñi (ATSS) gizonezko junior K-1ean, Xanet Etxarrik (ATSS) emakumezko juniorretan, k-1ean zein C-1ean garaipena eskuratu zuen eta bere taldekidea den, Leire Goñik emakumezko kadete K-1ean.
Zilarra, Urko Zabaletak (S.D.Santiagotarrak) gizonezko beterano K-1ean, Beñat Larrañaga (ATSS) gizonezko kadete K-1ean, Markel Imaz (ATSS) gizonezko kadete C-1ean, Miren Lazkano (ATSS) C-1 emakumezko seniorretan eta Inge Etxarri (ATSS) emakumezko kadete C-1ean, zeinek K-1ean brontzezko domina ere eskuratu zuen.
Hirugarren postuan ere sailkatu ziren, Jose Luis Martin (C.D.Fortuna) gizonezko beteranotan, Oier Rodriguezek (S.D.Santiagotarrak) bi domina eskuratu zituen, bain K-1 zein C1 gizonezko juniorretan, Unai Nasbaskues (ATSS) K-1 gizonezko seniorretan, Maialen Olaso (S.D.Santiagotarrak) emakumezko kadete C-1ean, Irati Goikoetxeak (ATSS) ere bi brontzezko domina eskuratu zituen, K-1 eta C-1 emakumezko seniorretan eta Haritz Azanza ere hirugarren izan zen gizonezko C-1 kadeteetan.
Falta izan ziren, Maialen Chourraut, Ander Elosegi, Samuel Hernanz eta Klara Olazabal Australian aurkitzen direnak entrenatzen eta lehiatzen.
Kluben sailkapenari dagokionez, Atlético San Sebastian lehenengo izan zen, Cadí bigarren eta S.D. Santiagotarrak hirugarren.
Gure klubek antolakuntza bikaina burutu zuten dena behar bezala egon zedin lehiaketa garaian eta gure epaileek ere beraien betebeharrak behar bezala burutu ahal izateko.
Hurrengo Españako kopa, Mondariz-en izango da, eta honekin, apirila amaieran eta maiatza hasieran ospatuko diren hautatze probetarako lehenengo sailkatze fasea amaituko da.
Hondarribiko Amuitz Outrigger Kanoa Klubak, lehiatze-asmorik gabeko elkarretaratzea izango den Amuitz Surfski Topaketa antolatuz emango dio hasiera igande honetan, martxoaren 24an, 2019ko denboraldiari.
Kirol elkarte hondarribiarrak 30en bat kirolari elkartzea espero du igandean, 10.00etan, Beteranoen Mollatik ateratzeko. Han hasiko dute ordu eta erdi luzatuko den ibilbidea, Txingudiko badiako uretan hondartzako inguruetara eramango dituena. Bertan, itsasoa lagun badute, piraguismoaren modalitate honetan aritzen direnek oso gustuko duten Txingudi Olatuaz gozatzeko aukera izango dute.
Hasiera puntura bueltatu ostean, jai giroan amaituko dute eguna Amuitz Sursfki Topaketa honetan parte hartuko dutenek, Hondarribiko Itsaskari-Baita elkartean, “Babarrunada” bazkalduz.
Ekitaldi honekin, Amuitz Klubak ilusio handiz ekingo dio aurtengo denboraldiari eta ez da hau izango datozen hilabeteetan antolatuko duten bakarra; izango dira beste ekitaldiak eta datak heltzen hasten direnean hauen berri emango da.
Igandeko Amuitz Surfski Topaketa hau Amuitz Outrigger Kanoa Klubak antolatuko du, Hondarriabiko Itsaskari-Baita, EKP (Euskadiko Kirol Portuak) eta Amuitz Nautical Experiences-en laguntza eta babesarekin.
Amuitz Surfski Topaketa honi buruzko informazio zabalagoa edo elkarrizketaren bat egitea behar izanez gero, Amuitz Klubeko kidea den Ion Sagradorekin jarri harremanetan, 646668289 Whatsapp helbidera idatziz.
Amuitz Klubaren inguruan
Amuitz Outrigger Kanoa Kluba (edo Amuitz Kluba) 2016an Hondarribian sortutako kirol elkartea da eta bere helburuak, hawaiiar jatorriko piragua (outrigger kanoa) eta surfskia bultzatzea ditu.
Asteburu honetan, Orthez-ek Euskadiko slalom-eko Kopa jokatu da, Españako Koparen aurrekari. Asteburu honetan, Orthez-en bertan jokatuko delarik Españako Kopa.
Kluben sailkapenari dagokionez, ATSS izan zen garailea, S.D.Santiagotarrak bigarren eta Beti Busti K.E. hirugarren.
Banakako sailkapenean, Joan Crespo (S.D.Santiagotarrak) izan zen azkarrena gizonezko K-1 seniorretan, Alex Goñi (ATSS) gizonezko juniorretan, Haritz Azanza (S.D.Santiagotarrak) gizonezko kadete K-1ean eta Urko Zabaleta (S.D.Santiagotarrak) beteranotan. Emakumezkoetan, Irati Goikoetxea (ATSS) izan zen azkarrena senior mailan, Leire Goñi (ATSS) emakumezko kadeteetan. Kanoei dagokienez, Aitor Garmendia (ATSS) izan zen azkarrena gizonezko seniorretan, Martin Arruabarrena (S.D.Santiagotarrak) kadeteetan. Emakumezko seniorretan, Miren Lazkano (ATSS) izan zen azkarrena eta Leire Goñi (ATSS) emakumezko kadeteetan bigarren urrea eskuratuz.
Espero dezagun asteburu honetan ere podium-ak errepikatzea gure kirolariek Españako Kopan. Zorte On!
Copa Euskadi Rios Barrika 2021
