Euskadiko Kanoe Federazioko 2024ko Ez-Ohiko Batzar Orokorrerako deialdia
Euskal Kanoe Federazioko 2024ko ez-Ohiko Batzar Orokorrerako deialdia luzatzen da. Abenduaren 18ean, telematikoki ospatuko delarik.
Emakumeen aurkako indarkeriari EZ nazioarteko eguna
Euskadiko Kanoe Federakuntzatik beste behin ere, berdintasunarekiko konpromiso irmoa erakutsi nahi dugu. Azaroak 25, Emakumeen aurkako Indarkeria Ezabatzeko Nazioarteko Eguna da. Egun horretan, mundu osoan emakumeen aurka erabiltzen den indarkeria salatzen da eta herrialde guztietan politikak eskatzen dira indarkeria desagerrarazteko.
Euskadiko Kanoe Federakuntzak 2024- 2027 EKFren Emakumeen eta Gizonen Berdintasunerako Plana du. Kanpoko eta lehiaketako kudeaketaren ardatzetako bat emakumeen aurkako indarkeria desagerraraztea da, 2 helbururekin, sentsibilizazioa eta prebentzioa lantzea eta salaketa/jazarpen kasuen aurrean jardutea.
Gainera, EKFk lankidetza-hitzarmen bat sinatu zuen Eusko Jaurlaritzarekin 2021ean, sexu-jazarpena eta -abusua prebenitzeko
Hitzarmenaren xedea da Euskadiko Kanoe Federazioaren eta Jarduera Fisikoaren eta Kirolaren Zuzendaritzaren arteko lankidetza-esparrua ezartzea, kirol-federazioan sexu-jazarpeneko eta sexu-abusuko ekintzak prebenitu, ikertu eta, hala badagokio, zigortzeko.
Euskal Federazioak konpromiso hauek hartzen ditu, besteak beste:
- Federazio barnean, Sexu-jazarpeneko eta sexu-abusuko ekintzak prebenitzeko eta zehatzeko araudi bat onartzea. Araudi horrek Jarduera Fisikoaren eta Kirolaren Zuzendaritzak horretarako ezarritako ereduari jarraituko dio.
- Jarduera Fisikoaren eta Kirolaren Zuzendaritzarekin lankidetzan aritzea, Zuzendaritzak, Euskal Kirol Federazioen Batasunarekin lankidetzan, zehazten edo gauzatzen dituen jardueretan, sexu-jazarpeneko eta sexu-abusuko ekintzak prebenitzeko kirol-federazioaren jardueraren eremuan.
- Jarduera Fisikoaren eta Kirolaren Zuzendaritzak kiroleko sexu-jazarpenari eta sexu-abusuari buruz eta sexuan oinarritutako jazarpenari buruz argitaratzen duen informazio eta dokumentazio guztia zabaltzea.
- Jarduera Fisikoaren eta Kirolaren Zuzendaritzak Euskal Kirol Federazioen Batasunaren bitartez antolatutako zabalkunde-, prestakuntza- eta sentsibilizazio-kanpaina eta jardunaldietan parte hartzea.
Bertan behera geratu da Lagan jokatuko zen Kayak Surf proba
Azkenik, itsasoaren baldintzek eta olatu faltak ez dute ahalbidetu Euskadiko Kayak Surf Kopako proba Lagan egitea eta bertan behera geratu da.
Kayak Surf-eko epaileen ikastaroa
Kayak Surf-eko epaile ikastaro berri baten deialdia.
Euskadiko Kanoe Federakuntzak Kayak Surf-eko epaileen ikastaro bat antolatuko du.
Modalitate zehatz honetarako, epaileak prestatzeko beharra dela eta, etorkizuneko kayak surf-eko epaileentzako beharrezko dokumentazioa sortu eta landu da.
Puntuazioko zein, Epaile Buruak prestatuko dira. Bigarren edizio honetan, bi ikastaroak aldi berean burutzeko aukera egongo da. Formakuntzak atal ezberdinak izango ditu. Alde Batetik, EKF-tzako araudi nagusi eta teknikoa landuko da, eta ondoren kayak surf-eko araudi espezifikoa zein maniobra edo mugimenduak. Amaieran, azterketa teorikoa zein praktika batzuk burutu beharko direlarik.
Hemen topatuko duzue informazioa.
RFEPrako HAUTESKUNDEETARAKO DEIALDIA
2024ko urriaren 21ean, Espainiako Piraguismoko Errege Federazioko presidenteak ESPAINIAKO PIRAGUISMOKO ERREGE FEDERAZIOAREN BATZAR OROKORRERAKO, LEHENDAKARITZARAKO ETA BATZORDE DELEGATURAKO HAUTESKUNDEAK deitu zituen.
Era berean, jakinarazten da, egun horretan bertan, Zuzendaritza Batzordea desegin eta Kudeaketa Batzordea eratuko dela, Hauteskunde Erregelamenduaren 4.3 artikuluan xedatutakoaren arabera. Batzorde Delegatuak eta Zuzendaritza Batzordeak 2024ko urriaren 17an hartutako erabakien arabera eratuko da.
Hauteskunde-prozesuari buruzko informazio guztia RFEPen federazio-webguneko atal gaituan dago, bai eta behin-behineko erroldetan ere, interesdun bakoitzak kontsultatu ahal izan dezan behin-behineko erroldan agertzen den. Era berean, legezko baldintzak betetzen dituzten pertsonek eta erakundeek errolda telematikoki kontsultatu ahal izango dute, aldez aurretik identifikatuta, Espainiako kirol-federazioetako hauteskunde-prozesuak arautzen dituen urtarrilaren 25eko EDF/42/2024 Aginduaren 6.4 artikuluaren bigarren paragrafoan ezarritakoaren arabera.
Dagokion zabalkundea eman da tirada nazionaleko paperezko bi egunkaritan (Diario Marca eta Diario Expansión), baita RFEPen webeko informazio guztia ere.
Irati Osa kirolari gonbidatua ICF Hangzhou Super Cup txapelketan
Irati Osa Txinako ICF Hangzhou Super Cup txapelketan parte hartzera gonbidatu duten kirolarietako bat izan da. Bertan, maratoi motzean, seigarrena izan da, eta maratoiko proban ere parte hartu du, kasu honetan 15km-ra egokitutako distantziarekin, bosgarrena izanik.
Zalantzarik gabe, esperientzia aparta euskal palistarentzat.
Hiru domina Erkidego arteko Espainiako Sprint Txapelketan
Bartzelona 92ko pista olinpikoan, Castelldefelsen, Eskola Adineko Espainiako Federazioen arteko esprint txapelketa jokatu zen eta hiru domina lortu ditu Euskadiko Selekzioak.
Asier Bulman paracanoea izan zen protagonista nagusia eta urrea zintzilikatu zuen PK3 3000m eta PV3 500m kategorietan. Eta zilar bat PK3 500 m-tan.
Emaitza aipagarriak ere izan ziren: Eider Cecilia eta June Arrastua kadete mailan K-2 500m, Laia Elias haur mailan A C-1 500m eta Ana Arambururekin batera C-2 mailan 500m. Oier Serrano, Aimar Lekuona, Eneko Parada eta Jon Susperregiren C-4a ere laugarren izan zen.
Eider Cecilia, June Arrastua, Ana Martinenea eta Izar Libanoren K-4 emakume kadetearen bosgarren postua eskuratu zuten. Ana Aramburuk Emakume infantil B C-1 500m, Eider Cecilia Emakume Kadeteetan B K-1 500m, Aimar Lekuona eta Ana Aramburu C-2 infantil mistoan. Oier Serrano, Aimar Lekuonarekin batera, aurrez aipaturikoak bezala, bosgarren izan ziren C-2an.
Laia Elias seigarren izan zen C-1 3000m infantil emakumean.
Iker Camachok eta Hugo Martinek K-2 500m infantil mutilen zazpigarren postua errepikatu zuten eta Iker Rubio eta Beltran Juezekkin batear, K-4 500m infatnil mutiletan ere. Eneko Paradak infantil B C-1 mutilen artean egin zuen bezala, Oier Serranok zazpigarren egin zuen 3000m infantilentzako C-1 proban.
Amaia Aizpurua eta Uxue Ezenarro K-2 500m infantil emakumeetan zortzigarren izan ziren, eta Laura Entenza eta Maddi Olaizolarekin batera K-4 infantil emakumeetan, baita ere.
Autonomia-federazioen araberako sailkapen orokorrean, Euskadi zortzigarrena izan zen.
Bost domina itsasoko Munduko Kayak Txapelketan
Pasa den asteburuan Madeiran Munduko Kayak Txapelketa ospatu zen eta euskal palisten emaitzak oso onak izan ziren. Guztira, bost domina lortu ziren.
Urrea Oier Aizpurua eta Maite Etxaberentzat (Itxas-Gain Zumaiako Urola Itsas-Adarreko P.K.) SS2Mixto Beteranoan.
Manuel Melara (Arroja P.T.) munduko txapeldun izendatu zen SS1 kategorian 50-54 urteko beteranoa.
Oier Aizpurua ere lehena izan zen SS1 kategorian 40-45urte bitarteko beteranoa.
Maite Etxabek ere bigarren domina bat lortu zuen SS1 mailan, 45-49 urte bitarteko emakume beteranoa.
Eta Asier Aizpurua (Itxas-Gain Zumaiako Urola Itsas-Adarreko P.K.) podiumeko hirugarren mailara igo zen SS2 junior mistoan. Era berean, SS1 gizonezko juniorretan karrera bikaina egin zuen zortzigarren postuan.
Irene Gana bederatzigarren izan zen SS1 seniorretan eta seigarren senior mailako SS2 mistoan.
Goi Mailako kirolarien eskaerak Kirolari, epaile eta teknikarientzat
Piskanaka 2024. Denboraldia amaitzen doa eta honekin batera, gogorarazi nahi dizuegu, Eusko Jaurlaritzak, 2010ean, 203/2010 Dekretua, uztailaren 20koa, Goi mailako kirolari dagokiona onartu zuela. Beraz, izandako emaitzen arabera, Goi-mailako kirolari izatea eskatu liteke eta honela, zenbait onura jaso, hala nola, unibertsitaterako sarbidea, etab.
Informazio gehiago topatuko duzue Dekretuan.
Dekretuaren egokitzapena
Eskaerak, honako loturaren bitartez burutuko dira:
Ur lasaietako epaileen ikastaroa 2024ko udazkenean
Datorren urriaren 12 eta 13ean, ur lasaietako epaileen ikastaroa antolatuko da Donostian.
Epaile Laguntzaile, oinarrizko eta nazional tituluak eskuratzea egongo da, larunbat eta igandean ospatuko den ikastaroan.
Hemen topatuko duzue informazio guztia, edo web orrialdeko formakuntzen atalean.
Copa Euskadi Rios Barrika 2021
