Itsas kayakeko Gipuzkoako txapelketa

Written on 08 Ekaina 2021.

Maiatzeko azken larunbatean Gipuzkoako Itsas Kayakeko Txapelketa ospatu zen Zumaian.
Parte-hartze handiarekin eta GPS, Trackers gailuak erabiltzeko berritasunarekin burutu zen proba.
Esteka honetan, parte-hartzaileen eta haien gailuen informazioa lor dezakezue:
https://live.traky365.com/campeonato-de-guipuzkoa-kayak-de-mar#

Itxas-Gain Urola Itsas-adarreko P.K. etxekoek irabazi zuten, Pasaia Kayak 2005 K.K. bigarren eta Atletico San Sebastian hirugarren sailkatu zirelarik.
Banakako sailkapenean, Lander Rodriguezek (Pasaia kayak 2005 K.K.) irabazi zuen K-1 senior mailan, K-2,senior mailan Imanol Burguera eta Xabi Ruiz de Aretxabaleta (Donostia Kayak K.E.). 50+ betereano mailan, Iñigo Ibarrak (Barrika P.T.) irabazi zuen, Javier Lizancos (Itxas-Gain Urola Itsas-adarreko P.K.). izango zelarik Gipuzkoako txapeldun.Beterano 50 urtez azpiko mailan, lehen postua Jose Maria Villagarciarentzat (Itxas-Gain Urola Itsas-adarreko p.k.) izan zen. Emakumezkoetan, Maite Etxabek (Itxas-Gain Urola Itsas-adarreko p.k.) irabazi zuen.

Azken estropadak etorkizunek kirolariak eta Maratoia

Written on 08 Ekaina 2021.

Kadeteak maiatzaren amaieran Trasonan izan ziren 1000 metroko kopa jokatzen.
Malen Juaristi eta Naroa Larrarte (S.D.Santiagotarrak) brontzea izan ziren kadete emakumezko K-2 mailan.
Gainera, Malen Juaristi laugarren izan zen K-1ean kadete B mailan eta Ian Anatol bederatzigarren K-1eko Kadete A finalean.
Ekaineko lehen asteburuan, maratoi erdiko Espainiako Kopa jokatu zen Talavera de la Reinan, guztira 4 urre eta zilar bat lortuz.

Xabi Osa eta Irati Osa (Itxas-Gain Zumaiako Urola Itsas-adarreko P.K.) garaile izan ziren K-2 mixtoan. Xabi Osa ere, 50-54 urte bitarteko K-1 mailako beteranoetan garaile izan zen.

Imanol Burguera (Donostia Kayak K.E.) izan zen irabazlea 40-44 urte bitarteko veterano K-1 mailan, eta Eñaut Aizpurua eta Maite Etxabe (Itxas-Gain Zumaiako Urola Itsas-adarreko P.K.) 40-49 K-2 mixto mailan.

Josefa Molina (Itxas-Gain Zumaiako Urola Itsas-adarreko P.K.) bigarren izan zen junior mailan.

Hurrengo hitzordua infantilena izango da, Etorkizuneko kirolarien Espainiako Kopan, hilaren amaieran, Lugon.

Higinio Rivero Europako txapeldunordea

Written on 07 Ekaina 2021.

Joan den ostiral arratsaldean Higinio Rivero Europako txapeldunorde izendatu zen VL2 200m modalitatean bere kanporaketa nagusitasunez irabazi eta finalerako txartela zuzenean lortu ondoren.

Ostiral arratsaldean euskal palistentzako zilarrezko bigarren domina lortuko zuen, ordu batzuk lehenago, Begoña Lazkanok ere bigarren postua lortu baitzuen emakumezko K-2 1000m senior mailan.

Plentziako lehiaketak bertan behera geratu dira

Written on 04 Ekaina 2021.

Klub antolatzaileak jakinarazi duenez, ezin izango dira ekainaren 19an eta 20an, Ibaietako zein Itsasoko Euskadiko kopetako probak jokatu. 2021erako bertan behera geratu direlarik.

Galdera erantzunen eguneraketa, ekainak 2

Written on 03 Ekaina 2021.

Eusko Jaurlaritzak galdera-erantzunen dokumentu eguneratu du. Beraien webgunean ere aurkituko duzue.

https://www.euskadi.eus/jarduera-fisikoaren-eta-kirolaren-jarraibideak/web01-a2kirola/eu/

Hemen ere topatuko duzue.

Ekainaren 2ko Covid-19 neurriak

Written on 02 Ekaina 2021.

Las principales medidas que estarán en vigor con motivo de la situación de Covid-19 a partir del 2 de junio serán las siguientes:

Gipuzkoako itsas Kayak Txapelketaren jarraipena

Written on 28 Maiatza 2021.

Itsasoko kayak batzordeak GPS gailuak izango ditu lasterketa zuzenean jarraitzeko.
Hurrengo estekan lasterketa eta kirolarien bilakaera ikusi ahal izango dira.

https://live.traky365.com/campeonato-de-guipuzkoa-kayak-de-mar

Zorte on!

Euskadiko Kayak Surf Kopako 3. proba atzeratu egin da

Written on 27 Maiatza 2021.

Funtsen egoera dela eta, atzeratu egin da Euskadiko Kayak surf Kopako 3. proba, Bakion jokatzekoa zena. Oraindik ez da baieztatu ekainera edo azarora atzeratuko den, jakin bezain pronto jakinaraziko da.

Bederatzi domina Espainiako Sprinteko 2. kopan

Written on 27 Maiatza 2021.

Pasa den asteburuan Verducidón Españako bigarren Sprint kopa ospatu zen, non gure kirolariek guztira 9 domina lortu zituzten. 3 urre, 2 zilar eta 4 brontze.
Uxue Arsuagak (S.D.Santiagotarrak) K-2 200m eta K-2 500m irabazi zituen bere ahizpa Maialenekin batera. Gainera, biak, zilarra eta brontzea izan ziren, hurrenez hurren, K-1 200m-ko finalean.
Higinio Riverok (Barrika P.T.) ere hainbat domina lortu zituen, urrea Gizon Seniorrean KL2 500 metrotan, zilarra Gizon Senior KL2 200 metrotan eta brontzea VL2 200 eta 500 metrotan.

Nerea Garcia (S.D.Santiagotarrak) hirugarren izan zen Emakumezko Senior K-1 500m proban eta 23 urtez azpiko K-2 200m sailkapena lortu zuen nazioarteko hitzorduetarako.

Hurrengo hitzordua asteburu honetan Trasonan izango da, Espainiako Kadeteen Koparekin. Eta datorren astean Europako Sprint Txapelketari hasiera emango zaio.