Munduko Kopako finala jokatu da Seu d 'Urgellen eta emaitza ezberdinak lortu dituzte euskal palistek. Olatz Arregik (ATSS) hirugarren postuan bukatu zuen Extrem txapelketan, fase ezberdinak gaindituta. Maialen Chourrautek (ATSS) final bat gehiago lortu du slalom konbentzionalean, seigarren amaituz, finalerdietan denborarik onena egin ostean. Eta 13. izanik, final-laurdenetan kanpoan geratuz extrem modalitatean. Miren Lazkano (ATSS) bosgarren izan zen extremean, finalerdietan geratuz. Kanoan 24. izan zen, finalerdietan geratuz baita ere. Klara Olazabal (S.D.Santiagotarrak) 19. izan zen emakumezkoen kanoan eta 37. estremean. Joan Crespo (S.D.Santiagotarrak) 17. izan zen estremean eta slalomean 33.a izan zen, finaletik kanpo geratuz +50eko penalizazio baten ondoren. Kanporaketan bigarren denborarik onena egin zuen bi modalitateetan. Honekin amaitutzat eman dute nazioarteko denboraldia. Euskadiko eta Gipuzkoako slalom lehiaketak ospatzea falta delarik.
Asteazkenean hasi zen Munduko Junior eta 23 urtez azpikoen txapelketa Szegeden, Nerea Garcia S.D.Santiagotarrak taldeko palista bertan zela. Hirugarren izan zen kanporaketan eta finalerdian, gaur bederatzigarren postuan bukatu du finala.
Nagusien Txapelketa jokatu ondoren, txikienek Saberoko txapelketa jokatzeko txanda izan zen. Guztira 23 domina, bost urre, bi zilar eta bost brontze banakako txapelketan eta hiru urre, bi zilar eta bost brontze Espainiako Federazio Autonomikoen Txapelketan.
Urrea:
Oier Azpillaga (ATSS) Gizonezko Infantil A C-1 eta K-1
Barrika P.T. taldeko emakume kanoistak podiumera igo ziren Zamoran ospatutako maratoi laburreko Espainiako Txapelketan. Ane Eileen Mesak zilarrezko domina lortu zuen emakumezko kadeteen C-1 kategorian eta Victoria Gema hirugarren izan zen emakumezko C-1 seniorretan.
Aipagarriak dira, halaber, Irati Osaren bostgarren postua (Itxas-gain Zumaiako Urola Itsas-adarreko P.K.) eta Beñat Arsuagarena (S.D.Santiagotarrak) 23 urtez azpiko K-1 gizonezkoetan. Eta laugarren postua Malen Juaristirena (S.D.Santiagotarrak) emakumeetan K-1 kadetean. Eider Amundarain (S.D.Santiagotarrak) seigarrena izan zen emakumezkoen 23 urtez azpiko K-1ean eta Martin Mirandarena ere bai gizonezko junior K-1ean. Ane Amostegi (S.D.Santiagotarrak) zortzigarren izan zen emakumezko junior K-1ean.
Zortzi izan dira joan den asteburuan Zamoran Espainiako Maratoi Txapelketan lortutako dominak. Zilarra Gema Victoriarentzat (Barrika P.T.) emakumezko Senior C-1ean, Irene Gana (Barrika P.T.) emakumezko 23 urtez azpiko K-1ean eta Ane Eileen Mesa (Barrika P.T.) emakumezko kadetea C-1ean. Brontzezko domina Irati Osarentzat (Itxas-Gain Urolako Itsas-adarreko P.K.) K-1 emakume seniorretan eta senior mailako K-2 mistoan Xabier Osa aitarekin batera. Ruben de la Fuente eta Martin Miranda (S.D.Santiagotarrak) hirugarren izan ziren junior K-2 gizonezkoetan, Ane Amostegi eta Naroa Larrarte (S.D.Santiagotarrak) hirugarren emakumezko junior K-2an eta Malen eta Markel Juaristi anai-arrebak (S.D.Santiagotarrak) ere hirugarren izan ziren K-2 kadete mixtoan.
Espainiako Slalom Extrem Txapelketaren ondoren, slalom konbentzionala jokatu zen eta euskal palistek 25 domina lortu zituzten: 6 urre, 7 zilar eta 12 brontze. Urrezko domina:
Maialen Chourraut (ATSS) Emakumezko Senior K-1
Irati Goikoetxea (ATSS) Emakumezko Beterana K-1
Leire Goñi (ATSS) Emakumezko Junior K-1
Nora Lopez (ATSS) Emakumezko Junior C-1
Emakumezko senior 3xK-1: Atlético San Sebatián, Olatz Arregi, Maialen Chourraut eta Miren Lazkano
Emakumezko senior 3xC-1: Atlético San Sebatián, Leire Goñi, Malen Gutierrez eta Nora Lopez.
Saberok Extremeko Espainiako Txapelketa hartu zuen eta euskal palistek, praktikoki, podium guztiak hartu zituzten, gizon seniorretan izan ezik, non Pau Etxaniz (ATSS) zilarra izan zen. Senior mailako emakumeei dagokienez, Maialen Chourraut (ATSS) izan zen garailea, Olatz Arregi bere klubeko kidea bigarren eta Klara Olazabal (S.D.Santiagotarrak) hirugarren. Junior mailako emakumezkoetan, Nora Lopez (ATSS) nagusitu da, eta bere klubeko kideak, Malen Gutierrez eta Leire Goñi, bigarren eta hirugarren izan dira, hurrenez hurren. Junior mailan, Javier Arruabarrenak (S.D.Santiagotarrak) lehenego postua eskuratu du, bigarren postua lortu du Alex Segurak(ATSS) eta hirugarren postua Aitor Iriondorentzat (S.D.Santiagotarrak). Kluben araberako sailkapenean, lehen postua Atletico San Sebastianek lortu du, bigarren postuan S.D.Santiagotarrak taldea eta hirugarren Cadi.
Denboraldiko azken-aurreko nazioarteko txapelketan slalom kirolariek ez dute zorterik izan. Finalera Maialen Chourraut (ATSS) bakarrik iritsi ahal izan da, eta +50eko zigorra izan zuen, horrek 9. postura eraman zuen, finalera, finalerdietan seigarren denborarik onena izan ondoren. Estremean, 38. Izan zen. Joan Crespo (S.D.Santiagotarrak) hamahirugarren izan zen gizonezko kayakeko finalaurrekoetan geratuz, finalisten postuetatik segundo bakarrera. Estremean ezin izan zuen sailkapen-fasea gainditu 56. Postua eskuratuz. Klara Olazabal (S.D.Santiagotarrak) final laurdenetaraino iritsi zen estremean, 12. Postua eskuratuz. Emakumezkoen kanoan, hainbat zigorren ondoren, finalerdietan 29. postuan bukatu zuen. Miren Lazkano (ATSS) 21. izan zen emakumezkoen kanoan, estremean ezin izan zuen sailkapen fasea gainditu, 36. izanik Olatz Arregi (ATSS) 26. izan zen estremean.
Iñigo Peña (Itxas-Gain Zumaiako Urola Itsas-Adarreko P.K.) Europako Sprint Txapelketako protagonista nagusienetako bat izan zen. Zilarra K-2 1000m-an Francisco Cubelosekin batera, zilarra eskuratu zuen baita ere, K-4 1000m-an, eta Paco, Carlos Garrote eta Cristian Tororekin batera. Eta zazpigarren postua lortu zuen K-4 500m-ko proba olinpikoan.
Begoña Lazkanok (Donostia Kayak K.E.), Laia Pelach kataluniarrarekin batera, brontzezko domina eskuratu zuen K-2 1000m proban.
Higinio Rivero (Plentzia P.T.) zilarra izan zen VL2 200m proban, nazioarteko probetan arerio zuzena duen portugaldarra garaitu zuen proban, baina kasu honetan, hungariarrak eskuratu zuen urrea.
Aitor Gorrotxategi (S.D.Santiagotarrak) banakako modalitatean estreinatu zen nazioarte mailan, eta laugarren postua lortu zuen K-1 1000m-ko B Finalean.