Sprinteko kadeteek Espainiako Kopa jokatu dute 1000m eta 500m-ko distantzietan. Hiru izan dira lortutako dominak.
Paracanoen, Asier Bulman (S.D.Santiagotarrak), PK-3 500m kategorian bigarren sailkatu zen. Eneritz Aizpiolea eta Nora Arana (S.D.Santiagotarrak) hirugarren sailkatu ziren K- 2 500 m emakume kadeteetan, eta geroago brontzezko domina berri bat eskuratu zuten Jone Palenzuela eta Irene Muiño kideekin batera K-4 500m emakumezko kadeteetan.
Asteburu honetan Espainiako Maratoi Erdiko Txapelketa izango da Muiñosen. Eta ur bizietan, Espainiako Slalomeko Kopa eta Kayak Cross-ekoa. Gainera, hautaketa proba izango dira Espainiako selekzioa osatzeko. Zorte on!
Euskal Selekzioak 49th Amsterdam Waterland Marathon txapelketa jokatu du eta Irati Osa (Itxas-Gain Zumaiako Urola Itsas-adarreko P.K.) podiumeko bigarren mailara igo da. Irene Gana (Barrika P.T.) hamargarren izan zen.
K-1 gizonezkoetan, Martin Egaña (Itxas-Gain Zumaiako Urola Itsas-Adarreko P.K.) 28. izan zen eta Beñat Arsuaga (S.D.Santiagotarrak) 31.. 24 kilometro lehiatu behar izan zituzten bi porteorekin.
Slalomeko Espainiako 2. Koparen ospakizunarekin eman zaie hasiera 2023rako hautaketa probei. Aurretik Espainiako lehen kopan sailkatutako palistek, orain, Seu de Urgelleko probaz gain, hilaren amaieran Pauen jokatuko diren probak ere egin beharko dituzte, eta, horrela, nazioarteko hitzorduetara joango den taldea osatzeko hautaketa-prozesua amaitu. Espainiako 2. kopan guztira 18 domina lortu dituzte, 10 lehen jardunaldian eta 8 bigarrenean. Lehiaketaren lehen egunean urrezko domina lortu zuten:
Datozen apirilaren 29 eta 30ean slalom-eko Españako kopako 3.proba jokatuko da eta hurrengo egunean, maiatzaren 1ª, Kayak Cross-eko Españako Kopako 2. Proba.
Udaberrian bi Piraguismoko Hastapen ikastaro antolatuko dira.
Lehenengoa maiatzaren 12tik 14ra Irunen.
Bigarrena, Ekainaren 9tik 11ra Orion.
Ikastaroen informazioa hemen edo formakuntza alorrean topatuko duzue.
Ikastaro hauek, kirolaren hastapenetan aritu nahi duten teknikariei bideratua dago.
Ikastaroaren helburu nagusia da piraguismoaren kirolean teknikari gisa oinarrizko mailan behar duten formakuntza ematea.
Zehazki, lortuko diren gaitasun orokorren artean, piraguismoa sustatzea, bultzatzea eta kirol edo modalitatearen oinarrizko hastapena egitea lehen hogei ordutan. Eta. kirolariak zaintzea eta laguntzea, eskola kirol edo kirol federatuarenak diren jarduera eta lehiaketetan parte hartu behar dutenean
Hastapeneko irakasleentzako ikastaroa Federazioaren prestakuntza jarduera bat da, eta bertan ikasgai hauek ematen dira: oinarrizko ezagupenen arloa, metodologia eta piraguismoaren didaktika, material eraikuntza eta mantentzea, segurtasun aktiboa eta prebentziozkoa, programazioa, palakadak emateko maniobrak eta teknika.
Udazkenean ikastaro ofiziala, “Ciclo inicial de Entrenador/a de Piragüismo” antolatuko da. Maiatzaren hasieran ikastaro honen inguru informazioa prest izango dugu eta argitaratuko dugu.
Esprinteko trial olinpikoak egin ondoren, Espainiako Esprint Olinpikoko 1. Kopari ekin zitzaion, eta lau domina lortu ziren. 2 urre, zilar 1 eta brontze 1. Iñigo Peña (Itxas-Gain Zumaiako Urola Itsas- Adarreko P.K.) izan zen garailea K-1 500m-etan, Europako Jokoetarako txartela eskuratuz. Begoña Lazkanok eta Irati Osak (Itxas-Gain Zumaiako Urola Itsas- Adarreko P.K.) nagusitasunez irabazi zuten K-2 1000m. Nerea Garcia, Uxue Arsuaga, Maialen Arsuaga eta Carla Corral (S.D.Santiagotarrak) emakumezkoen K-4 200mtan bigarren postua lortu zuen. Begoña Lazkanok hirugarren postua eskuratu zuen K-1 1000m-tan. Hurrengo hitzordua asteburu honetan izango da, Verducidon, Kadeteen Espainiako Koparen ospakizunarekin.
Mundakak ez ditu apirilaren 22an eta 23an kayak surfaren Euskadiko Txapelketa jokatu ahal izateko beharrezko baldintzak bilduko eta hurrengo asteburura atzeratuko da.
Apirilaren 18an, Eusko Legebiltzarrak martxoaren 30ean onarturiko 2/2023, martxoaren 30eko Euskadiko Jarduera fisikoaren eta kirolaren Legea argitaratua izan da.
Modu jonetan, 1998eko Legea eguneratzen da, egungo Kirol praktikari egokituz.
Pasa den astea gogorra izan zen sprint-eko kirolarientzako, I hautatze probak ospatzeaz gain, Españako 1go sprint olinpikoko kopa jokatu zen, nazioarte mailan aritzeko lehenengo plazak jokoan zeudelarik.
Begoña Lazkanok (Itxas-Gain Zumaiako Urola Itsas-adarra) K-2 eta K-4 500mtan lortu zuen sailkapena, maiatzean, Szeged-en jokatuko den Munduko Koparako.
Aitor Gorrotxategi (S.D.Santiagotarrak) K-4 500mtan sailkatu zen baita ere.
Iñigo Peña (Itxas-Gain Zumaiako Urola Itsas-adarra) K-1 500mtan sailkatu zen, ekainean ospatuko diren Europar Jokoetarako.
Higinio Riverok (Plentzia P.T.) berriz, martxoan lortu zuen VL2 200m eta KL2 200mtan sailkapena Munduko Koparako.
Bertan, ezarritako kalitate irizpidea bete beharko dute, Munduko Txapelketarako sailkapena eskuratzeko eta bestela, uztailean berriro jarriko dira jokoan ontziak.
Bestalde, hilabete batean, gaztetxoenek taldeko ontzietarako sailkapenak izango dituzte jokoan. Horrela, piskanaka nazioarte mailan arituko diren taldeak osatuz.
Maiatzaren 12, 13 eta 14ean, Irun-en Hastapen ikastaro berri bat antolatuko da, presentzial formatuan.
Prestakuntza hau kirolaren hastapenetan aritu nahi duten teknikariei bideratua dago.
Ikastaroaren helburu nagusia da piraguismoaren kirolean teknikari gisa oinarrizko mailan behar duten formakuntza ematea.
Zehazki, lortuko diren gaitasun orokorren artean, piraguismoa sustatzea, bultzatzea eta kirol edo modalitatearen oinarrizko hastapena egitea lehen hogei ordutan. Eta. kirolariak zaintzea eta laguntzea, eskola kirol edo kirol federatuarenak diren jarduera eta lehiaketetan parte hartu behar dutenean
Hastapeneko irakasleentzako ikastaroa Federazioaren prestakuntza jarduera bat da, eta bertan ikasgai hauek ematen dira: oinarrizko ezagupenen arloa, metodologia eta piraguismoaren didaktika, material eraikuntza eta mantentzea, segurtasun aktiboa eta prebentziozkoa, programazioa, palakadak emateko maniobrak eta teknika.
Jarraian topatuko duzue ikastaroaren deialdia eta informazioa.
Copa Euskadi Rios Barrika 2021
