David Cal-en klase magistrala

Written on 23 Apirila 2020.

Gaur osteguna, apirilak 23, 18.00htan, Españako Piraguismo Federakuntzak antolaturiko saioan, bost domina olinpiko dituen, David Cal arituko da, “Perdiendo el miedo a ganar” lelopean.

Canoistak, piraguismoan izandako hasiera, prestakuntzan izandako aldaketak ziklo olinpiar ezberdinetan, lehiaketei nola egiten zien aurre, estrategiak eta bere lau Joko Olinpikoetan izandako partehartzea, Sidney 2000an erreserba izan zen ezkeroztik, Londres 2012rainokoa errepasatuko du. Behin goi-maila utzita, egungo lanerako egokitzapena eta konfinamendua nola biziko duen azalduko ditu.

Mintegia jarraitzeko, lotura:

https://us02web.zoom.us/j/81514688065 ID de reunión: 815 1468 8065

Argazki eta bideo lehiaketa

Written on 20 Apirila 2020.

Españako Piraguismo Federakuntzak argazki lehiaketa bat antolatu du.

“Yomequedoencasa … pero entrenando”, argazki lehiaketaren bigarren fase bat antolatu du, non, entrenatzeko modu originalak jasotzen dituzten.

Lehiaketako oinarriak hemen:    https://rfep.es/wp-content/uploads/2020/04/BASES-DEL-CONCURSO-Yo-me-quedoencasa-2º-fase.pdf

Apirilaren 30arte dago epea argazkiak bidaltzeko. Argazki originalenak, “Aguas Vivas” aldizkarian argitaratuko dira eta bost onenek saria jasoko dute.

Honez gain, bideo lehiaketa bat ere antolatu du, “Yomequedoencasa…pero entrenando equilibrio”, bertan, piraguismoaren oinarrietako bat, oreka nola entrenatu litekeen modu original batean azaltzea nahi dutelarik. Gutxienez 10 segunduz aritu beharko da oreka mantentzen. Ahalik eta berma puntu gutxien, oreka puntu txikienak, etab. erabiltzea baloratuko delarik.

Lehiaketa oinarriak hemen: https://rfep.es/wp-content/uploads/2020/04/BASES-DEL-CONCURSO-Yo-mequedoencasa-entrenando_equilibrio.pdf

Bideorik originalenak, Españako Federakuntzako Web orrialdean zintzilikatuko dituztelarik eta lehenengo bostek saria jasoko dute.

Lehiaketa honen epea ere, apirilaren 30ean amaituko delarik.

Higinio Rivero hizlari

Written on 17 Apirila 2020.

Datorre apirilaren 21, asteartea, 11:00htan, Higinio Rivero Españako Federazioaren master class programazioaren marko barruan, hizlari izango da.

Higinio eta Javier Reja arituko dira paracanoeaz hizketan. Javier Reja, Españak Joko Olinpiko batzuetan izan zuen lehenengo paracanoea izan zen. Higiniok berriz, Tokyo-koetan bere parte hartzea ziurtaturik du, aurreko munduko txapelketa bikainean, zazpigarren izan ondoren.

Gainditze eredu argia dira, istripu bat jasan ondoren, beraien bizitzak eta jarduerak berregin eta Joko olinpiko batzuetaraino iritsiz.

Xabier Etxanizen hitzaldia “Slalomean barne jokoa”

Written on 16 Apirila 2020.

Gaur, apirilak 16, osteguna, goizeko 11htan, slalom-eko teknikaria den Xabier Etxaniz-ek hitzaldi bat eskainiko du, “slalomean barne jokoa”, Españako Federazioa antolatzen ari den, on-line klase magistralen marko barruan, entretenimendua eta formakuntza eskaintzeko asmoz, Coronavirusaren pandemia dela eta, bizi dugun inaktibitate egoerari aurre egiteko asmoz.

Teknikariak hitzaldi dinamiko eta ikusgarria eskainiko du, non, prestaketa mentalaren inguruko bere ikuspegia azalduko duen eta goi-errendimenduko kirolarientzako aplikagarriak izan daitezkeen erraminten garapena ere erakutsiko duen. Beste modalitate, kirol eta bizitzako esparru batzuetan aplikagarri izan daitezkeelarik .

Berak entrenatzen duen, Maialen Chourraut-en partehartzea izango da, hala nola, slalom-eko koordinatzailea den Guillermo Diez- Canedo eta Zuzendari teknikoa den Ekaitz Saies-ena barne.

Hitzaldia jaraitu ahal izateko, bilerara sartu beharra dago:

https://us02web.zoom.us/j/81841163680

ID de seminario web: 818 4116 3680

RFEParen egutegia bertan behera geratzen da ekainaren 27 arte RFEPlak jakinarazi du ekainaren 27 arte aurreikusiriko egutegi guztia bertan behera geratu dela. Españako Maratoi, Estilo Libre eta Itsas-kayak-eko txapelketek ere atzerapen bat jasango dutela

Written on 14 Apirila 2020.

RFEPlak jakinarazi du ekainaren 27 arte aurreikusiriko egutegi guztia bertan behera geratu dela.

Españako Maratoi, Estilo Libre eta Itsas-kayak-eko txapelketek ere atzerapen bat jasango dutela adierazten dute, data berria zehazteke dagoelarik. Espezialitateko, txapelketa bat utziko dutelarik.

Baita ere jakiarazten du, egungo egoeraren bilakaera epidemiologikoaren arabera eta Osasun-Autoritate eskudunaren gomendioen baitan, beste erabaki batzuk har litzaketela.

Hauek direlarik bertan behera geratu diren txapelketa eta hautatze probak:

Honez gain, RFEP-lak bere bulegoak publikoari arretaz itxiak geratuko direla jakinarazi du apirilaren 26arte.

Harremanetan jartzeko, departamendu bakoitzari dagokion posta elektroniko bidez, edo email helbide orokorraren bitartez egitea egongo delarik, Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Beldurretan arraunean estreinaldia

Written on 03 Apirila 2020.

Pasaden martxoaren 26ean aurre-estreinaldia izan ondoren, gaur 22:30htan ETB1 eta eitb.eus Beldurretan Arraunean dokumentala estreinatuko dute, Maialen Chourraut protagonista duelarik.

Bertan, Maialenek Rio-ko Jokoetan urrea eskuratu ondoren, azken ziklo honi nola egin dion aurre kontatzen digute.

 Beldurretan arraunean dokumentalak 2016an txapeldun olinpikoa izan zen eta 2012ko Londresko Olinpiar Jokoetan brontzezko domina irabazi zuen Lasarteko piraguistaren alderik ezezagunena ekarriko digu. Maialen banakako kirol batean metal preziatuena lortzen lehen euskal kirolaria izan zen, duela lau urte. 

Hala ere, Rio de Janeiron domina irabazi zuenetik Tokion lehiatzeko olinpiar pasea berriro lortu arteko prozesu guztia ez da batere erraza izan. Bidenabar, arazo fisikoei aurre  egin behar izan die Maialenek, baita barneko beldurrei ere, eta horietan sakontzen du berak dokumentalean. Horietako batzuk umetatik etorri zaizkion beldurrak dira, eta beste batzuk, bizitzaren gorabeherengatik sortu zaizkionak, beste alderdi batzuk, amatasuna adibidez, maila goreneko piraguismoarekin uztartu behar izateagatik. 

63 minutuko dokumental honetan, Iñigo Asensio zuzendariak modu intimistan jasotzen ditu Maialenek berak egindako adierazpenak, batez ere, Brasilgo lorpen handiaren ondoren etorri den guztiari buruz. Maialen hurbil eta oso zintzo ageri da. Piraguistarenekin batera, bere inguru hurbileneko beste testigantza interesgarri batzuk jasotzen dira, hala nola bere senar eta entrenatzaile Xabier Etxanizenak, bere amarenak eta haurtzarotik lagun izan dituen beste piraguista batzuenak. Piraguista haundiek ere hitz egin dute Maialeni buruz, Londres 2012an zilarra eta Rio 2016an brontzea irabazi zituen Jessica Fox australiarrak, adibidez.

Dokumentala osatzen duten adierazpen horiek eta beste asko jasotzeko, grabazio taldea Rio de Janeiro, Australia, Paue eta La Seu d 'Urgellera joan da, besteak beste. 

Basque Team Fundazioaren babesa du lanak, erakundearen beka duen kirolaria baita Chourraut, eta Iñigo Asensio kazetariak zuzendu, eta Korima Filmsek ekoitzi du, EiTBren partaidetzarekin. 

Beldurretan Arraunean

Written on 26 Martxoa 2020.

Iñigo Asensioren zuzendaritzapean, Korima Films ekoiztetzeak, “Beldurretan Arraunean” dokumentala ekoitzi du. Bertan protagonista gure txapeldun olinpikoa den Maialen Chourraut delarik.

Aurrestreinaldia martxoaren 27, ostiralean izango da, online eta Basque Team-ek bost gonbidapen zozketatuko ditu.  Horretarako, hiru pausu hauek jarraitu behar dira, zozketan parte hartu ahal izateko:

1. Basque Team jarraitu sare sozialetan: Facebook, Twitter edo Instagram.
2. Basque Team etiketatu (@basqueteam Facebooken, @BATbasqueteam Twitterren, @basque_team Instagramen).
3. Kontatu non zinen eta zertan ari zinen Maialen Chourrautek urrezko domina irabazi zuenean 2016ko Rioko Jokoetan.

Euskal Kanoe Federakuntzako egoitza itxia aldi batetarako

Written on 17 Martxoa 2020.

Euskadiko larrialdi sanitarioaren deklarazioa dela eta, eta koronabirusaren hedapena geldiarazten laguntzeko, Euskal Kanoe Federakuntzak jakinarazten du martxoaren 17tik aurrera (asteartea), eta beste adierazpen bat egin arte, telelanaren bidez arituko dela.

Gure web orria eguneratzen joango gara azken berriekin eta edozein kontsultarako edo harremanetarako email bidez, honako helbide honetan:     Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. Horrela, zuen beharrei erantzuten jarraituko dugu.

Osasun publikoa eta Eusko Jaurlaritzak ezarritako jarraibideei erantzuteko,
neurri honek sortu ditzakeen eragozpenak sentitzen ditugu.

RFEParen egutegia bertan behera geratzen da apirilaren 26 arte

Written on 16 Martxoa 2020.

RFEPlak jakinarazi du apirilaren 26 arte aurreikusiriko egutegi guztia bertan behera geratu dela.

Baita ere jakiarazten du, egungo egoeraren bilakaera epidemiologikoaren arabera eta Osasun-Autoritate eskudunaren gomendioen baitan, beste erabaki batzuk har litzaketela.

Hauek direlarik bertan behera geratu diren txapelketa eta hautatze probak:

Honez gain, martxoaren 16tik eta hamabost egunez, RFEP-lak bere bulegoak publikoari arretaz itxiak geratuko direla jakinarazi du.

Harremanetan jartzeko, departamendu bakoitzari dagokion posta elektroniko bidez, edo email helbide orokorraren bitartez egitea egongo delarik, Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.