Kayak Poloa

Escrito en 01 Febrero 2018.

Esan daiteke diziplina honek saskibaloia eta water-poloa dituela oinarri, futbol amerikarraren zenbait ezaugarri edukitzeaz gain. Barruti batean, gehienetan igerileku batean, egiten da; gutxienez metro 1eko sakonera izan eta jolasteko guneak 35 x 20 neurtu behar du. Alde txikietan bi ate kokatzen dira, bi angeluzuzen 1,50 m x 1,00 metroko garaiera dutenak.

5na partaideko bi ekipoak baloia eskuz edo palaz baloia lortzeko lehian aritzen dira. Jokoaren azken helburua baloia aurkako ekipoaren atean sartzean datza. Baloia atean gehienetan sartzen duen ekipoa izango da partiduaren irabazle.

Kayak-polo joko gogorra da eta hori dela eta burua babestu egin beharra dago saretadun kaskoaren bidez eta derrigorrezkoa da txalekoa jantzita eramatea. Ekipo bakoitzeko kide guztiek kolore berak izan behar dituzte ekipoaren elementuetan, pala eta piragua barne. Ekipo bakoitzak elementu guztien bi joko izan behar ditu, horiek ordezkatu ahal izateko baldin eta aurkako ekipoaren kolorea eta aipatu elementuren bateko kolorea bat etortzen badira.