Astelehenean aurkeztu zen BBK aretoan, BBKayak-aren bigarren edizioa.
Kasu honetan, Ander Elosegiren laguntza izango dugu ekitaldian zehar, sari banaketan izanez. S.D.Santiagotarrak-eko kanoista irundarrak, hiru joko olinpikotan parte hartu du, Pekin, Londres eta Rio-n, diploma eskuratuz berauetan, bi laugarren postu eta zortzigarren postu batekin. Honela, joan den urtean izan zen Iñigo Peña zumaiarraren errelebua hartuko du ekitaldian.
Joan den urtearekiko zenbait berrikuntza izan dira, esterako ibilbidearen aldaketa, baina bateaz ere, nazioarteko proba bilakatu izanean dago aldaketa nabarmenena. Españako selekzioko kideez gain, José Ramalho, Europako txapeldun eta munduko maratoi txapelketetan dominak eskuratu izan dituena bertan izango dugu, hala nola, Venezuela, Britania Handia, etab.-etik etorritako kirolariak. Oraindik lanean ari direlarik lurralde gehiagotako kirolariek parte hartu dezaten.
Edizio gutxitan, antolakuntzak pausu handi eta nabarmenak ematen ari da, piraguismoko egutegian finkatu eta dagokion garrantzia hartzeko.
Aurreko urtean bezala, lehenengo sailkatuentzako diru-sariak izango dira, hala nola, lehenengo klub sailkatuentzat. Horrez gain, antolakuntzak partehartzaile guztien artean sari ezberdinak zozketatuko ditu, bai federatuen artean, bai jardunaldi herrikoiaren bitartez hiria beste modu batean ezagutzen parte hartzen dutenen artean.
Szeged-en, Hungrian jokatu da Munduko Sprint modalitateko lehenengo munduko kopa eta bertan Iñigo Peña zumaiarra aritu da K-2 1000m eta K-2 500m tan.
K-2 1000mtan, lasterketaz lasterketa, eliminatoriak, finalerdiak gaindituta, finalera iritsi eta lasteketa bikaina burutuz, atzetik aurrerako ibilbidea buruturik, bigarren postua eskuratu zuen Francisco Cubelos-ekin batera.
K-2 500m-tan ere lehiatu ziren, baina kasu honetan B Finalean lehiatu eta berau irabazi zuten.
Zalantzarik gabe, Europako Txapelketa aurretik buruturiko azken proba izanik, itxaropentsu izateko arrazoi asko ditu.
Itsasoko baldintzak direla eta maiatzaren 26-27rako aurreikusiriko kayak surf-eko Euskadiko Kopako 2.proba, Bakion, atzeratzea erabaki da. Azaroan jokatuko delarik, data berria zehaztu bezain pronto jakinaraziko da.
BBKayak-en sari gehigarriak egongo dira, zozketa bidez banatuko direnak.
Lehiaketan lehenengo hiru sailkatuentzat saria egoteaz gain, eta senior mailakoentzako, diru-saria, partehartzaile guztien artean sari ezberdinak zozketatuko dira, bai federatuen artean, zein afizionatuen artean, honakoak izango direlarik zozketatuko direnak:
Federatuak:
Europatik zirkuitu bat, bi pertsonentzako, hotelarekin. Hegaldia Bilbotik.
2 Ezkur-Urdaiazpiko
2 Otar, Euskal Label produktuduna, BBK-azokak emandadakoak
Afizionatuak:
Costa Daurada, egonaldi bat, 8 egun/ 7 gauko iraupenekoa, bi heldu eta 2- 10 urte bitarteko haur batentzako, Oh!tels kateko 3*-etako hotel batean, Mantenu erdian. 2018rako, (ekainaren 20tik irailaren 15-era izan ezik, eta abenduaren 20tik 31ra); desplazamenduak ez dira barne sartzen. Hotelaren plaza aukeren araberako saria.
2 Ezkur-Urdaiazpiko
2 Otar, Euskal Label produktuduna, BBK-azokak emandakoak
Trasonan, hautatze frogak jokatzeaz gain, Españako Sprint olinpikoko 2.kopa ere jokatu zen asteburuan. Non distantzia eta kategoria batzuetan ere, nazioarteko probetan parte hartzeko hautatze froga izango ziren.
Euskal ordezkariek lau domina eskuratu zituzten, Higino Rivero (Barrika P.T.) VL2 200m eta 500mtan, bigarren izan zen.
Eta Iruneko Nerea Garcia gazteak, bi brontze eskuratu zituen, K-1 200m bata eta bestea, bere taldekide den Intza Mendez-ekin batera K-2 500mtan.
Egun gogorren ondoren, slalom eta sprint-eko hautatze frogak amaitu dira.
Modu honetan, slalom-eko Munduko lehenengo bi kopetara zein Europako Txapelketara joango den taldea osatua izan da Slalom-ean. Eta 23 urtez azpiko taldea ere osatu da Munduko zein Europako txapelketan parte hartuko duena. Oraindik, Españako txapelketan azken partaide baten plaza egongo delarik jokoan.
RFEP-lak zerrendak argitaratzera itxoin beharko dugu, taldeak ezagutzeko, baina badirudi, Maialen Chourraut, Irati Goikoetxea, Miren Lazkano, Klara Olazabal, Samuel Hernanz eta Joan Crespok ez dutela arazorik izango bertan egoteko.
Bestalde, Sprint-eko hautatze frogak ere jokoan, zeuden, Munduko Kopa, Europako Txapelketa eta Joko Mediterraneotako taldeak osatzeko. Begoña Lazkanok K-1 500mtan bigarren postua eskuratu ondoren, Teresa Portelaren atzetik, azken honek maila bikainean jarraitzen duela erakutsi zuen, K-1 500m eta k-1 200m-etan garaile izan ondoren. Hala ere, Begoñak K-2 500m-tan, Laia Pelach-ekin batera, lasterketa bikaina burutu eta nagusitasunez gailendu ziren. Honela, ontzi hori sailkatuz eta bere presentzia nazioarteko zitetan ziurtatuz.
Gazteenek, 23 urtez azpikoek eta juniorrek ere Munduko Txapelketarako txartela zuten jokoan. Non, Nerea Garcia, S.D.Santiagotarrak-eko gazteak froga bikainak burutu eta RFEP-lak baieztatzeko zai, bertan egongo dela dirudi. Karite Eizmendi eta Irene Gana ere ahalegindu ziren baina ez zuten zorte bera izan. Telmo Fernandez eta Eneko Egiguren 23 urtez azpiko mailan aritu ziren, baina ez zuten finalera pasatzerik izan.
Aitor Gorrotxategi berriz, Pelayo Rozarekin batera, K-2 500mtan Mediterraneotako jokoetarako sailkatzen ahalegindu zen, baina Marcus Cooper eta Rodrigo Germade, distantziako Munduko txapeldunak errez nagusitu ziren.
Atzo igandea, maiatzak 5, Euskadiko itsas-kayak-eko kopako lehenengo proba ospatu zen. Azken urtetan, ohikoa izan den modura, Araban jokatu zen, Nanclares de Gamboan, Club Nautico Aldayetak antolaturik.
Guztira 8 klubeko partaideak aritu ziren, Pasaia Kayak 2005 K.K. izan zelarik garailea, bigarren Zumaiako Urola Itsas-adarreko P.K. eta hirugarren Plentzia P.T.
Banakako sailkapenari dagokionez, probako garaileak Aitor Vilariño eta Imanol Burguera (Donostia Kayak K.E.) izan ziren, bigarren Oier Aizpurua eta Unai Azkune (Zumaiako Urola Itsas-adarreko P.K.) eta hirugarren beraien taldekide diren Eñaut Aizpurua eta Peio Romatet.
Gizonezko senior SS1ean, Lander Rodriguez (Pasaia Kayak) izan zen lehena, ibilbidearen zati haundi bat, K-2ekin buruan burutu zuelarik, bigarren Imanol Barruetabeña (Zumaiako Urola Itsas-adarreko P.K.) izan zen eta hirugarren Aritz Araneta (Pasaia Kayak).
Beterano +50 urtetako tartean, Javier Lizancos (C.D.Fortuna) izan zen garailea, bigarren Raul Barba (ATSS) eta hirugarren Rafa Ocerin (Plentzia P.T.).
Itsas-kayak-eko hurrengo proba, Euskadiko Koparako puntuagarria izango den, bigarren proba izango da Pasaian, Maiatzaren 27an.
Datorren igandean, maiatzaren 6ean, Aldayeta klubaren eskutik Euskadiko Itsas-kayak-eko Kopari hasiera emango zaio.
Bertan, euskal klub ezberdinetako kirolariak lehiatuko direlarik, Españako Kopetan zein Eurochallenge-n erakutsitako maila bikainarekin.
Españako 1.go kopan, Villajoyosan jokaturikoan, Eduardo Montero (Barrika P.T.) 1.go izan zen, 50-54 Beterano mailan, Ignacio Ibarra (Barrika P.T.) 45-49urteko mailan bigarren eta Eneko Lopez (Barrika P.T.) hirugarren 35-39urte bitarteko mailan.
Españako 2.kpan, Rafael Quevedo (Barrika P.T.) garaile suertatu zen 50-59urte bitarteko mailan.
Eta Eurochallenge-n ere emaitza bikainak eskuratu dituzte, Jose Mari Villagarcia (C.D.Fortuna) garaile izan zen Beterano C-D mailan, Javier Lizancos taldekia bigarren beterano F mailan eta Ignacio Ibarra (Barrika P.T.) hirugarren Veterano C-D mailan.
Dagoeneko eman diote hasiera slalom-eko hautatze frogei, kasu honetan, senior eta 23 urtez azpiko mailetan. Honela, lehenengo bi munduko kopetara eta Europako Txapelketarako sailkatuko direnen zerrendak osatuko direlarik.
Lehenengo fase honetan, Frantziako Federazioarekin batera jokatzen ari diren hautatze frogek bi fase izango dituzte. Lehenengoa, joan den asteburuan, Seu d’Urgell-en jokatu zen, gaurtik ostiralera bitartean berriz, Pau-na.
Momentuz, euskal ordezkarientzako gauzak ez dira batere gaizki joan, momentuz, taldea osatzeko postuetan honakoak daudelarik: emakumezko seniorretan, Maialen Chourraut (ATSS) eta Irati Goikoetxea (ATSS), gizonezko K-1ean Joan Crespo (S.D.Santiagotarrak) eta Samuel Hernanz (ATSS), emakumezko C-1ean Miren Lazkano (ATSS) eta Klara Olazabal (S.D.Santiagotarrak).
23 urtez azpiko taldeari dagokionez, Emakumezko k-1 eta C-1ean, Miren Lazkano eta Klara Olazabal barruan egongo lirateke, gizonezko k-1ean Unai Nabaskues (ATSS). Egun hauen nondik norakoari itxoin beharko diogu, taldea azkenik nola geratzen den ezagutzeko.
Copa Euskadi Rios Barrika 2021
