Espainiako Slalom-eko I. Kopa jokatu da, lehen jardunaldia osorik eta txapelketako bigarren egunean, finalerdien ostean, proba bertan behera utzita. Guztira, zazpi domina lortu dituzte euskal palistek.
Haizea Segura (ATSS) izan zen emakumezko junior K-1 kategorian urrea eskuratu zuen bakarra.
Zilarra, Ainara Goikoetxearentzat (ATSS), bai K-1ean, bai C-1ean, junior mailako emakumezkoetan. Eta Oier Diazek (S.D.Santiagotarrak), gauza bera lortu zuen, K-1 eta C-1 gizon juniorretan.
Olatz Arregik (ATSS) emakumezko senior K-1 kategorian zilarra eskuratu zuen.
Miren Lazkano (ATSS) hirugarren sailkatu zen emakume senior C-1 kategorian, Leire Goñi (ATSS) ere hirugarren izan zen emakumezko senior K-1ean eta Jon Garasak brontzezko domina eskuratu zuen, gizonezko junior C-1 kategorian.
Kluben sailkapen nagusiari dagokionez, Atletico San Sebastián-ek lehenengo postua eskuratu zuen eta S.D. Santiagotarrak-ek hirugarrena.
Espainiako hurrengo kopa martxoaren amaieran izango da, Seu d ‘Urgellen, eta bertan Parisko Joko Olinpikoetarako txartelak egongo dira jokoan, baita nazioarteko hitzorduetan Espainia ordezkatzeko plazak ere. Ondoren, apirileko lehen asteburuan, slalomeko Espainiako 3. kopan eta Kayak Crosseko bigarren kopan taldeak definitzen amaituko da, Paun.
