Hidrospeed-a, «Uretako Trineoa» bezala ere ezaguna, ur-lasterrekin gorputzez gorputz aritzea da. Honetan datza: ur-lasterrak banaka jaistea poliuretanozko ohol flotagarri baten gainean, ohol horrek motor- edo trineoko karenatu forma du eta kolpeak geldiarazteko arduradun nagusia izango da.
Hidrospeed-az egindako lehenengo jaitsiera 1960 bukaerakoa da, urte horretantxe Louis Lourmaisek Frazer (Kanada) ibaia jaitsi zuen, baina ia 20 urte pasa behar izan ziren jarduera hori banaka egitea posible egingo zuen ohola agertu arte, hain zuzen ere, Ginebrako Asmatzaileen Erakusketan (1980).
«Hidro»az», ibaiaren zailtasun-maila edozein izanda ere, jaitsiera egin daiteke beti, baldin eta beharrezko teknika eta ezaguerak baldin badituzu. Aparteko bitartekoa da uraren indarra sentitzeko eta jaitsieraren arduradun bakartzat sentitzeko zure burua; horrek bizi-bizia bihurtzen du eta uretan dugun trebetasuna erakusteko aukera ematen digu. Jaitsiera egiteko esku biak «oholari» oratzen jarri behar dira, beronen gainean etzan (osorik ez, baizik eta aldaketeraino), eta azkenik, norbera bultzatzeko hegatsak jantzi behar dira. Hori eginda gero nahikoa da ur-lasterrak norbera eramaten uztea, horrekin jolastea, bira egitea, balaztatzea, eskimotatzea, edo ur-lasterraren kontra borrokatzea.
Ekipoa osatzeko beste elementu hauek daude: neoprenozko jantzia, gehienetan zangoetan sendotua eta izan daitezkeen kolpe edo urratuetatik babesteko balio duena, kasko barrubiguna, eta azkenik, ezinbestekoa den salbamendu-jaka.
