Trasonan jokatu da Españako Sprint Txapelketa eta guztira hamalau izan dira euskal kirolariek eskuraturiko dominak. Bost urre, hiru zilar eta sei brontze.
Higinio Rivero (Plentzia P.T.) izan zen protagonista nagusi lau urrezko domina eskuraturik 200 eta 500mtan jokaturiko PV2 eta PK2 modalitateetan.
Uxue Arsuagak ere beste lau domina eskuratu zituen, anaiarekin batera, Beñat Arsuaga (S.D.Santiagotarrak) urrea eskuratu zuten Mixto Seniorretan.
Uxue Arsuagak zilarra eskuratu zuen emakumezko senior K-1 200mtan. Bere taldekidea den Malen Juaristik gauza bera egin zuen emakumezko junior K-1 200mtan eta Eneritz Aizpiolea eta Maialen Vitoria taldekideek ere zilarra eskuratu zuten emakumezko junior k-2 200mtan.
Malen eta Markel Juaristi (S.D.Sanatiagotarrak) anai-arrebek brontzea eskuratu zuten mixto juniorretan.
Irati Osa eta Josefa Molina (Itxas-gain Zumaiako Urola Itsas-adarreko P.K.) hirugarren izan ziren emakumezko senior K2- 1000mtan eta Iratik Martin Egaña taldekidearekin batera, mixto seniorretan, hirugarren postua eskuratu zuten.
Maialen Vitoria, Malen Juaristi, Jone Palenzuela eta Eneritz Aizpiolea hirugarren izan ziren emakumezko junior K-4 1000mtan. Eta Beraien taldekide diren Iñigo Irastorza, Alejandro Arana, Oihan Arrondo eta Markel Juaristi ere hirugarren izan ziren gizonezko junior K-4 1000mtan.
Uxue Arsuaga, Maialen Arsuaga, Nerea Garcia eta Carla Corral (S.D.Santiagotarrak) hirugarren izan ziren emakumezko senior K-4 500mtan eta Uxue eta Maialen haizpak ere hirugarren izan ziren emakumezko senior K2- 200mtan.
Gainera final asko eskuratu zituzten gure kirolariek distantzia guztietan.
