Asteburu honetan Bidasoaren jaitsiera eta Urolaren igoera-jaitsiera ospatuko dira. Parte-hartzea handia aurreikusten da, larunbatean estatu osoko 22 klubetako 160 ontzik baino gehiagok parte hartu baitute. Eta 18 klub ezberdinetako 100 ontzi baino gehiagorekin ekingo zaio igandean Urolari, 2020ko edizioa jokatu gabe geratu ondoren. Hurrengo estekan, Bidasoaren jaitsieraren (uztailak 10, larunbata) eta Urolaren jaitsieraren (uztailak 11, igandea) emaitzak aurkituko dituzue.
Atzo, igandea, Munduko Surfsky Txapelketa ospatu zen Lanzaroten, bost domina eta hiru laugarren postu lortuz.
Oier Aizpurua (Itxas-Gain Zumaiako Urola Itsas-adarreko P.K.) izan zen Master B mailako irabazlea.
Mikel Lauzirikak (Barrika P.T.) ere irabazi zuen Master C mailan. Jose Mari Villagarcia (Itxas-Gain Zumaiako Urola Itsas-adarreko P.K.) izan zen bigarren eta Eñaut Aizpurua (Itxas-Gain Zumaiako Urola Itsas-adarreko P.K.) hirugarren Master C mailan.
23 urte azpiko emakumezkoetan Irene Gana (Barrika P.T.) hirugarren postuan sailkatu zen.
Podiumaren atarian geratu ziren Manuel Melara (Amuitz Outrigger P.K.) Master D kategorian, Javier Lizancos (Itxas-Gain Zumaiako Urola Itsas-adarreko P.K.) ere laugarren izan zen Master E-n eta Maite Etxabe (Itxas-Gain Zumaiako Urola Itsas-adarreko p.k.) baita ere, laugarren izan zen, Master B mailan. Maila aparta kirolariena. Zorionak!
Uztailaren 2, 3 eta 4 ean, Orion Hastapen ikastaro berri bat antolatuko da, presentzial formatuan.
Prestakuntza hau kirolaren hastapenetan aritu nahi duten teknikariei bideratua dago.
Ikastaroaren helburu nagusia da piraguismoaren kirolean teknikari gisa oinarrizko mailan behar duten formakuntza ematea.
Zehazki, lortuko diren gaitasun orokorren artean, piraguismoa sustatzea, bultzatzea eta kirol edo modalitatearen oinarrizko hastapena egitea lehen hogei ordutan. Eta. kirolariak zaintzea eta laguntzea, eskola kirol edo kirol federatuarenak diren jarduera eta lehiaketetan parte hartu behar dutenean
Hastapeneko irakasleentzako ikastaroa Federazioaren prestakuntza jarduera bat da, eta bertan ikasgai hauek ematen dira: oinarrizko ezagupenen arloa, metodologia eta piraguismoaren didaktika, material eraikuntza eta mantentzea, segurtasun aktiboa eta prebentziozkoa, programazioa, palakadak emateko maniobrak eta teknika.
Hemen topatuko duzue ikastaroaren deialdia eta informazioa.
Eusko Jaurlaritzak argitaratu du: 30/2021 DEKRETUA, ekainaren 18koa, lehendakariarena, zeinaren bidez bigarren aldiz aldatzen baita honako dekretu hau: maiatzaren 7ko 23/2021 Dekretua, lehendakariarena, SARS-CoV-2k eragindako infekzioen hedapena geldiarazteko prebentzio-neurriei buruzkoa. Hemen topatuko duzue.
Horrez gain, 2021eko ekainaren 19an eguneratutako dokumentua, Eusko Jaurlaritzaren Ohiko galderen erantzunak, Koronabirusaren aurkako berariazko prebentzio-neurriak izenekoari buruzkoa hemen topatuko duzue.
Bi domina, Nora Aranak eta Irene Muiñok (S.D.Santiagotarrak) lortutako zilarra emakumezko infantil B K-2 mailan eta Iker Castañoren (S.D.Santiagotarrak) brontzea gizonezko infantil A C-1, izan da euskal kirolariek lortutako saria.
Dominak urratuz eta finalista postuetan beste zenbait. Eneritz Aizpiolea eta June Palenzuela (S.D.Santiagotarrak) laugarren izan ziren emakumezko Infantil A K-2an. Iker Castaño eta Jakobe de la Serna (S.D.Santiagotarrak) bosgarren izan ziren gizonezko infatil A C-2 mailan. Nora Arana seigarren izan zen emakumezko infantil B K-1ean. Ana Marturena eta Maddi Uzkudun (Itxas-Gain Zumaiako Urola Itsas-adarreko P.K.) zazpigarren izan ziren emakumezko infantil B K-2. Eneritz Aizpiolea emakumezko infantil A K-1 zortzigarren izan zen. Shanti Florentino eta Haizea Montero (Donostia Kayak K.E.) K-2 mistoan bezala. Eta Jakobe de la Serna en gizonezko infantil B C-1.
Ekainaren 24tik 27ra, Poznan-en Europako junior eta 23 urtez azpikoen sprint txapelketa jokatu da, non hiru euskal ordezkari egon diren lehian. Nerea Garcia (S.D.Santiagotarrak) K-4ko finalera iritsi zen 23 urtez azpiko emakumezko K-4 500 m azpiko, kanporaketan hirugarren izan ondoren, zortzigarren amaituz finalean. Aitor Gorrotxategik (S.D.Santiagotarrak234 urtez azpiko K-1 1000m parte hartu zuen, non finalerdi gogor baten ondoren, ezin izan zuen finalerako txartela lortu,lehengo hirurek eskuratzen bait zuten eta seigarren izan zen, B finalerako txartela lortuz, non bertan garaipena eskuratu zuen. Maialen Arsuaga (S.D.Santiagotarrak) palista gazteak debuta egin zuen K-2 500 m emakume junior lasterketan, eta ezin izan zuen finalerdietako mozketa gainditu, bosgarren izan ondoren.
Atzo Alemanian amaitu zen Slalomeko Munduko bigarren kopa eta Klara Olazabal (S.D.Santiagotarrak) bostgarren izan zen C-1eko finalean. Kanporaketako bigarren txanda egin behar izan zuen arren, atzertik aurrera lehiaketa burutu zuen, finalerdian zazpigarrena izan zen eta finalean bosgarren bukatu zuen. Maialen Chourraut (ATSS), beti bezala, finalista postuetan izan zen txapelketa hasi zenetik, eta zazpigarren bukatu zuen finala.
Joan Crespok (S.D.Santiagotarrak) ez zuen finalerdia gainditu, eta finalerako atarian geratu zen, hamahirugarren postuan. Pau Etxanizek (ATSS) berrogeita hamar baten zigorrak urrundu zuen finalera sartzeko aukera guztietatik. Miren Lazkano (ATSS) hamalaugarren sailkatu zen finalerdian. Ander Elosegi (S.D.Santiagotarrak) hogeigarren izan zen finalerdian. Extrem slalomean, Joan Crespo final-laurdenetan geratu zen, 16. postuan. Miren Lazkano sailkapenean geratu zen, 24. postuan.
Euskadiko Kanoe Federazioak egoitza berria estreinatu du Anoeta estadioaren beheko aldean. Helbide berria hau da: Anoeta pasealekua 7, 20014 Donostia. 943051365 telefonoa egun batzuetan ez da erabilgarri egongo, baina Federazioarekin harremanetan jarri ahal izango da posta elektroniko bidez: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
Asteburu honetan slalom-eko jardunaldi bikoitza izan dugu. Alde batetik, Espainiako talde absolutuak Munduko Kopan parte hartu du Pragan, non Maialen Chourraut (ATSS) izan zen finalista bakarra, seigarren izanez. Finaleko postuetan beti, finalean, bi ukituk aldendu zuten domina eskuratzeko aukeratik. Klara Olazabal (S.D.Santiagotarrak) 12. sailkatu zen finalerdian eta finalaren atarian geratu zen. Miren Lazkano (ATSS) +54 batek finalean sartzeko aukerarik gabe utzi zuen, 28 izanik finalerdietan. Pau Etxaniz (ATSS) ere finalerako aukerarik gabe geratu zen, +54ko emaitzarekin finalerdietan. Ander Elosegi (S.D.Santiagotarrak) finalerdietara pasatzeko ateetan geratu zen, lehen eta bigarren kanporaketetan, postu bakar baten faltan. Eta Joan Crespok (S.D.Santiagotarrak) ere finalaurrekoetatik oso gertu bukatu zuen 43. Extrem slalomean final-laurdenetara iritsi ziren, Joan Crespo eta Miren Lazkano, bakoitza bere mailan. Pau Etxaniz 19an izan zen.
Bestalde, San Miguelen jokatu zen, otsailean Bergaran, atzeratu behar izan zen Euskadiko kopako lehen proba. Kluben araberako sailkapenean, Atletico San Sebastianek irabazi zuen, bigarren S.D.Santiagotarak eta hirugarren Beti Busti K.E. Banakako txapelketan berriz, Haritz Azanza (S.D.Santiagotarrak) izan zen garailea K-1 junior mailan, senior mailan, Eneko Auzmendi (ATSS) izan zen azkarrena. Emakumezko Junior K-1 mailan Leire Goñi (ATSS) izan zen irabazlea. Emakumezko seniorretan Olatz Arregi (ATSS) izan zen azkarrena. Gizonezko seniorretan, C-1, Aitor Garmendiak (ATSS) egin zuen denborarik azkarrena. Emakumezko Junior mailako C-1 mailan Nora Lopez (ATSS) izan zen irabazlea. Seniorretan C-1ean, Marta Barba (ATSS). Kadeteen artean, K-1 eta C-1, Aitor Iriondo (S.D.Santiagotarrak) izan zen irabazlea, emakumezko kadeteen artean K-1 eta C-1, Haizea Segurak (ATSS) irabazi zuen. Gizonezko beteranoetan Urko Zabaleta (S.D.Santiagotarrak) izan zen irabazlea.
Hurrengo jardunaldia munduko bigarren kopa izango da Alemanian. Bien bitartean, Cto. 26rako aurreikusitako Euskadi atzeratu egingo da.
Copa Euskadi Rios Barrika 2021
