Lehiaketen egutegiaren eguneratzea

Eusko Jaurlaritzaren lehiaketak burutzeko beharrezko protokoloaren onespena jaso ondoren, lehiaketen egutegia eguneratua izan da eta abuztuaren 1erako aurreikusten da lehen proba Hondarribian, itsas kayak modalitatean. Ondoren, abuztuaren 8an, Donostia- Pasaia lasterketa egingo da.

 Slalomak Euskadiko Txapelketa jokatuko du Pauen abuztuaren 9an.

Egutegia atalean, antolatzaileek eta parte-hartzaileek jarraitu beharreko oinarriak eta protokoloa aurkituko dituzue.

 Beharrezkoa izango da guztiok erantzunkizunez jardutea eta arauak zorrotz betetzea, kutsadurarik egon ez dadin.

Euskal ordezkaritza batzorde nazionaletan

Duela gutxi, slalomeko Batzorde Nazionalean eta arbitroen Batzorde Nazionalean bi euskal ordezkari sartu dira.

Urko Zabaleta izango da slalomeko batzorde nazionalean euskal kluben interesak defendatuko dituen euskal ordezkaria.

Jesus Santiago izango da batzorde nazionalaren barruan arbitroen interesak defendatuko dituen euskal ordezkaria.

Ordezkatuko duten eremu bakoitzean esperientzia handia duten bi pertsona direlarik.

Lehiaketaren berrekitea

Datorren abuztuaren 1ean ekingo zaio berriro lehiaketari, COVID-19ren geldialdiaren ondoren, Hondarribian egingo den Euskadiko Itsasoko Kayak Txapelketarekin.
Eusko Jaurlaritzak lehiaketak egiteko baimena eman du, dagokion protokoloa onartua izan ondoren.


Antolatzaileen eta parte-hartzaileen protokoloa.


Inplikatutako alderdi guztiek zorrotz bete beharko dute protokoloa.


Parte hartzen duten klub guztiek aurkeztu beharko dute, zinpeko adierazpena, non protokoloa ezagutzen dutela eta bertaratutako guztiek beteko dutela dioena.


Parte-hartzaileen zinpeko aitorpena.

Euskadiko Kanoe Federakuntza Mundo Deportivon

Euskadiko Kanoe Federazioko presidentea, Joseba Saies, Mundo Deportivok elkarrizketatu zuen, jardueraren suspertzea eta COVID-19ren geldialdiak nola eragin duen ezagutzeko.


Hemen elkarrizketa osoa.

 

Canoa Klinik berria

Martxorako aurreikusirikoa bertan behera geratu ondoren, datorren uztailaren 25ean Irunen Canoa klinika antolatuko da.

Helburua, Euskadin canoa modalitatea indartzea izango da. Egun ditugun kanoisten jarraipen bat egin eta laguntza teknikoa, zein formakuntza eta klubetan kanoa ezarri nahi duten teknikariei laguntzea izango da.

Goizean jardunaldi teorikoagoa izango da, arratsaldean baino.

Izenemateak, datorren uztailaren 17, ostirala baino lehen egin beharko dira, federaziora partehartzaileen datuak bidaliz: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Kayak Surf-aren historia

Joan den ostiralean itxi zuten kayak surfeko master klassen saioak, kayak surfaren historiaren errepasoarekin.

Costa Rica-ko Alvaro Gonzalez, Rick Starr Estatu Batuarra eta Luis Abando Euskalduna izan ziren hizlariak, kayak surfaren hasierak nolakoak izan ziren kontatzeko.

1970ean finkatzen dute hasiera data, 1989an lehen munduko txapelketa ezarriz.

Egoitzen eta materialaren hasieraren errepasoa egin zen, WSKA bidez irizpideen bateratzea aipatuz.

Eta Euskal Selekzioaren bilakaera ere errepasatu zen Luis Abandoren eskutik, baita beste herrialde batzuek honi buruz duten pertzepzioa ere. Mundakan jokatu zen lehen munduko txapelketaren garaipena eta horrek ekarri zuen poza nabarmenduz. Gaurdaino, erreferente bihurtu direlarik, beheragoko kategorien aldeko apustu argia burututa.

 

Higinio Rivero: JJPP Tokyo, mugarik gabeko borroka

Pasa den ostegunean Higinio Riveroren hitzaldia izan zen, Basque Team Fundazioaren Ostegun Teknikoen barruan.

 

Higiniok, bere lan egiteko modua eta Tokyora iristeko beharrezko egokitzapenak azaldu zituen.

 

Errehabilitazioaren hasiera gogorrarekin eta distantzia luzetik, Paralinpiar Jokoetarako sailkapena bilatzeko esprintean berregokitu zen arte.

Aitortu zuen egokitzapena motela izan zela, eta indibidualizazio handia izan zuela egindako lanean.

Azpimarratzekoa da egindako saiakera-akatsa, une honetan Joku Paralimpikoetan domina bat lortu nahi baitu.

Halaber, adimena gai zerrendan dagoela aipatu zuen, baita berrasmatu eta egokitu beharra ere. Orain, nolabait, konfinamendua eramangarriagoa egin zaiola aitortu du. Halaber, azpimarratu du urte gehigarri bat duela jokoak prestatu ahal izateko, eta domina lortzeko konbentzituta dagoela.

Ondorengo mahai-inguruan nabarmendurikoen artean, Jokoetan lehiatu eta hurrengo egunean, titular gisa, "Bilbotarrak domina lortu du" irakurri ahal izatea gustatuko litzaiokeela adierazi zuen.

 

Bere erreferenteak familia eta gurasoak direla ere erantzun zuen, eguneroko borrokagatik eta bizitzan zehar egindako eguneroko lan gogorragatik, ezarritako helburuak lortzeko asmoz.

 

 

 

Higinioz gain, Ekaitz Saies izan zen joan den osteguneko jardunaldi teknikoko hizlaria, eta prestakuntza mentalaz hitz egin zuen: "Prestakuntza mentalaren lau urtaroak".

HIGINIO RIVERO: Paralinpiar Jokoak Tokyo, mugarik gabeko borroka

Higinio Riverok bere esperientziatik erakutsiko digu, Paralinpiar Jokoak xedea izanik, nola bilatzen duen errendimendurik onena. Piraguistak goi errendimenduaren jardunean eragina duten hainbat parametro aztertuko ditu: prestakuntza fisikoa, teknika, planifikazioa, materiala... Higiniok Tokyoko Paralinpiar Jokoetarako txartela lortu zuen 2019an Szegeden jokatutako Munduko txapelketan.

Basque Team-eko ONLINE TOPAKETAK [kirol errendimendua] OSTEGUN TEKNIKOAK

DATA: Uztailak 2 
ORDUA: 18:00-19:00
HIZKUNTZA: Gaztelania
FORMATOA: Online (Ponentzia bat + mahai-ingurua)
(Izena-emateko: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.)  

 

Euskal Kanoe Federakuntzaren laguntzarekin antolatutako hitzaldiaren ostean, Higiniok Basque Team eta Fadurako HTZko Aitor Alberdi kirol teknikariak zuzendutako mahai-inguruan parte hartuko du aurretik landutako kontzeptuetan sakontzeko. Ikus-entzuleek galderak eta komentarioak egiteko aukera izango dute.   

Errendimendu-topaketaren batean izena eman nahi duzuenek, idatzi mesedez Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera. 

Kayak surfaren historia

Datorren ostiralean, uztailaren 3an, 19: 00etan, Kayak Surfaren azken master classa izango da ikusgai, eta bertan, kayak surfaren historia aztertuko dute, Luis Abando (Euskadi), Alvaro Gonzalez (Costa Rica), Malcolm Pearcey (Ingalaterra) eta Rick Starr (AEB)-ek..

Jarraitu ahal izateko, hau da esteka:

 

https://zoom.us/j/96991703264

 

EKF-tzako egoitza berriro irekita

Alarma egoeraren amaiera eta normaltasun berriaren hasierarekin, Euskal Kanoe Federakuntzako egoitza jendeari arreta emateko ireki da berriro.

Contactar

Paseo Errotaburu nº1-3ª Planta

Donostia - San Sebastian

Gipuzkoa

20018

Email: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Tel: 943 051365

Colaboradores