Sei domina Espainiako Kayak Cross Txapelketan
Espainiako 4. Slalom Kopa jokatu ondoren, hurrengo egunean Espainiako Kayak Cross Txapelketa jokatu zen Saberon.
Sei izan ziren euskal kirolariek lortutako dominak. Hiru urre, zilar bat eta bi brontze.
Maite Odriozolak (ATSS) emakumezko seniorretan eskuratu zuen lehen postua, Leire Goñi eta Miren Lazkano klubeko kideen aurretik.
Emakumezko Junior mailan, Ainara Azanzak (S.D. Santiagotarrak) eskuratu zuen lehen postua.
Junior gizonezko mailan, Aitor Iriondo (S.D. Santiagotarrak) izan zen irabazlea eta bere taldekidea, Oier Diaz, hirugarren.
Kluben arteko sailkapenean, Atletico San Sebastian izan zen irabazlea eta S.D.Santiagotarrak bigarrena.