Zilar bat eta brontzezko bi domina Espainiako Sprint Txapelketan
Munduko Txapelketarako zein Europako Sprint Txapelketarako geratzen ziren ontziak banatzeko hautaketa probak ospatu ostean, Begoña Lazkano, Iñigo Peña eta Aitor Gorrotxategi bertan izango dira. Horren ondoren, Espainiako Sprint Txapelketa jokatu zen ostiraletik aurrera.
Iñigo Peña (Itxas-Gain Zumaiako Urola Itsas-Adarreko P.K.) Espainiako txapeldunorde izan zen Marcus Cooperren atzetik K-1 500mtan. Begoña Lazkano (Donostia Kayak K.E.) hirugarren sailkatu zen K-1 500 metrokoan eta Arsuaga ahizpak, Maialen eta Uxue (S.D.Santiagotarrak) hirugarren izan ziren K-2 200m-an.