Bost domina Espainiako neguko Txapelketan
Joan den asteburuan neguko Espainiako Txapelketa ospatu zen Sevillan. Hainbat berritasunekin, hala nola 2.000 m-ko sailkapen-serieak kentzea eta sailkapen-serieak taldeka eta 3000m-ko distantziaren gainean egitea. Honez gain, beteranoak, junior, 23 urtez azpiko eta senior kategoriekin berriz ere sartzeaz gain, bai banakako ontzietan, bai binakakoetan, beteranoentzat.
Higinio Rivero (Plentzia P.T.) PK2 kategoriako garailea izan zen.
Emakume beteranoetan 35-39 urtetan, Eukene Saez (Pasaia Kayak 2006 K.K.) izan zen irabazlea. Maite Etxabe (Itxas-Gain Zumaiako -Urola Itsas-adarreko P.K.) bigarren izan zen 45-49 urte bitarteko emakume beteranoetan, Rafa Quevedo (Barrika P.T.) ere zilarra eskuratu zuen, 55-59 urte bitarteko gizon beteranoetan.
Beteranoetan 35-39 urtetan C-1ean, Roberto Rivasek lortu zuen hirugarren postua.
Podiumetik oso gertu, Xabi Osa (Itxas-Gain Zumaiako -Urola Itsas-Adarreko P.K.) laugarren izan zen 50-54 urtetako mailan, baita Cristina Iraeta (ATSS), 55-59 urte bitarteko emakume beteranoetan.
Begoña Lazkano (Donostia Kayak K.E.) bosgarren K-1 emakume seniorretan, Iñigo Peña (Itxas-Gain Zumaiako -Urola Itsas-adarreko P.K.) zortzigarren K-1 senior gizonezkoetan. 23 urtez azpiko emakumezkoetan Irene Gana (Barrika P.T.) zazpigarren izan zen, Nerea Garcia (S.D.Santiagotarrak) zortzigarren eta Aiora Irazu (Donostia Kayak K.E.) bederatzigarren.
Hurrengo hitzordua igande honetan izango da Pasaian Euskadiko K-2 Txapelketan.