Miren Lazkanok zilarrezko domina lortu du La Seuko Munduko Kopako finalean
Euskal ordezkaritzak emaitza onekin amaitu du irailaren 10etik 13ra La Seu d’Urgelleko Parc Olímpic del Segren jokatutako Canoe Slalomeko Munduko Kopako finala.
Emaitzarik aipagarriena Miren Lazkanok lortu du, emakumezkoen C1ean zilarrezko domina eskuratuta. Gipuzkoarrak finaleko denborarik onena egin zuen uretan, baina lau segundoko penalizazioa gehitu ondoren 104,55eko denborarekin amaitu zuen, Ana Sátila brasildarrarengandik 70 ehunenekora.
Maialen Chourraut berriro ere onenen artean izan da,
K1ean 6. postua lortuta. Emaitza horri esker,
denboraldia Munduko Kopako sailkapen nagusiko 3. postuan
amaitu du, zirkuituko sailkapen nagusian bere ibilbideko emaitzarik onena lortuz.
Miren Lazkano
🥈 2. C1 · 23. Kayak Cross Time Trial
Maialen Chourraut
6. K1 · 8. Kayak Cross Time Trial · 3. Munduko Kopako K1eko sailkapen nagusian
Pau Echaniz
9. K1 · 5. Kayak Cross Time Trial · Kayak Crosseko final-laurdenak
Leire Goñi
15. K1
Álex Segura
24. C1 · finalerdietara sailkatua
Klara Olazabal
24 C1
Lehiaketak amaiera eman dio 2026ko Munduko Kopen nazioarteko zirkuituari, eta La Seu d’Urgellek berriro ere munduko slalom eta kayak cross espezialista onenetako asko bildu ditu.
Nora Lópezek ez zuen Munduko Kopako azken proba honetan parte hartu.
