Joan den urriaren 4an, Lagako hondartzan, Kayak Surfeko Euskal Kopako 5. proba egin zen, non klub donostiarra nagusi izan zen podium gehienetan.
Aipatzekoa da Odei Etxeberriaren jarduna, Open HP eta Waveski Open probetan garaipena lortu baitzuen. Aiur Illarreta izan zen Open HPetako bigarren sailkatua eta, gainera, Open IC kategoriako irabazlea.
Emakumezkoetan Olatz Garmendiak HP maila irabazi zuen eta Xiang Mezzacasak IC maila.
Taldekako sailkapenean, Nautico nagusitu zen, podiuma Barrika Piragua Taldea eta Hondarkayakekin partekatuz.
