Igandean Euskadiko Itsas Kayak Txapelketa ospatu zen Pasaian eta etxekoek garaipena lortu zuten Itxas-Gain Zumaiako Urola Itsas-adarra eta Atletico San Sebastianen aurretik.
Banakako emaitzei dagokienez, Oinatz Alonsok (Pasaia Kayak 2005 K.K.) kadeteen mailan irabazi zuen, Gizon seniorretan, bere taldekidea den, Antton Araneta izan zen azkarrena, OC-2 mailan, Yon Mitxelena eta Fabien Maillard (Arroja K.K.) izan ziren garaileak, gizon beteranoetan (-50 urte), Lander Rodriguez (Pasaia Kayak 2005 K.K.) izan zen azkarrena, gizon beteranoetan (-50 urte) OC-1, Asier Esnal, bere klubeko kideak eskuratu zuen garaipena, 50 urtetik gorako gizon beteranoetan, Jose Mari Villagarcia (Itxas-Gain Zumaiako Urola Itsasadarra) izan zen lehen sailkatua. Emakumezko juniorretan, Ioar Alonso (Pasaia Kayak 2005 K.K.) izan zen irabazlea, emakume beteranoetan (-50 urte), Maite Etxabe (Itxas-Gain Zumaiako Urola Itsas-adarra) izan zen azkarrena, eta 50 urtetik gorakoetan, Cristina Iraeta (ATSS).
