Kayak Extremoa

"Kanoa Kayak Alpinoa" edo "Muturreko Kayak"a Alpeetako ibaien goialdean sortu zen diziplina dugu. Leku horretan %10etik gorako aldapadun ur-jauziak, ibai zatiak, e.a. zeharkatzen dituzte; hortxe praktikatzen da espezialitate hau.

Ibaiak jaisteko duen zailtasunaren arabera, 1etik 6ra puntuak ematen dira, eskalak zailtasun-maila txikienetik handienera zehazten du. Piraguismoaren modalitate modernoen artean aurkitzen dugu, eta gero eta zale gehiago ditu faktore hauei esker: arrisku-jardueretaz ari diren telebistako programak gero eta ohikoagoak izatea, leku urrunetan dauden ibaien goi-ibarretarako espedizio ugarien irudiak, ibai horiek jaisteak berekin zituen sekulako arriskuak eta zailtasunak.

Mendizaleek igoerarik zailenak eta biderik nekezenak bilatzen dituzten moduan, badago arraunlarien belaunaldi osoa helburu eta xede bakartzat duena ur-lasterrik nekezenetik jaistea eta arroilarik helezinenak zeharkatzea. Beharbada abentura-kirolaren gailurra da.

Duela gutxi Kanoa-Kayak Alpino lehiaketak egiten hasi dira. Honakoan datzate: lau lehiatzailek uharra aldi berean jaistea, 500 metro inguruko zatia, zailtasun handienekoa izango dena. Irabazlea hurrengo txandara pasako da, harik eta norbait garaile izan arte.

Kanoa-Kayak Alpinoa ez da diziplina olinpikoa.